මීගොඩ ප්රදේශයේදී ටිපර් රථයකට යටවීමෙන් 17 හැවිරිදි සිසුවෙක් ජීවිතක්ෂයට පත්ව තිබෙනවා.
පොලීසිය පැවසුවේ මීගොඩ, බෙරකැටිය මාර්ගයේදී යතුරු පැදියක් පදවාගෙන යමින් සිටි 17 හැවිරිදි සිසුවෙක් මෙලෙස ටිපර් රථයකට යට වී ජීවිතක්ෂයට පත්ව ඇති බවයි.
මෙලෙස ජීවිතක්ෂයට පත්ව ඇත්තේ මීගොඩ, දාම්පේ ප්රදේශයේ පදිංචි 17 හැවිරිදි තරුණයෙක්.
ටිපර් රථය මොරගහහේන දෙස සිට මීගොඩ දෙසට ධාවනය වීමේදී ඊට ප්රතිවිරුද්ධ දිශාවෙන් යතුරුපැදිය පදවාගෙන පැමිණි තරුණයා එහි බඳී ගැටීමෙන් මෙම අනතුර සිදුව තිබෙනවා.
අනතුරෙන් බරපතල තුවාල ලැබූ සිසුවා හෝමාගම මූලික රෝහලේ ප්රතිකාර ලබමින් සිටියදී මිය ගොස් ඇති බවයි පොලීසිය පැවසුවේ.
අනතුරින් පසු පලා ගිය ටිපර් රථ රියදුරු අත්අඩංගුවට ගෙන ඇති අතර ඔහු හෝමාගම මහේස්ත්රාත් අධිකරණය වෙත ඉදිරිපත් කිරීමට නියමිතයි.
සිද්ධිය සම්බන්ධයෙන් මීගොඩ පොලිසිය වැඩිදුර පරීක්ෂණ පවත්වනු ලබනවා.
