නීතිඥවරුන් මාර්ගයෙන් අද (01) දිනයේ අධිකරණයට භාර වූ හිටපු අමාත්ය ජොන්ස්ටන් ප්රනාන්දුව රුපියල් 25,000ක මුදල් සහ රුපියල් හා ලක්ෂ 10ක අමතර ඇපමත මුදාහැරීමට කොළඹ මහාධිකරණය නියෝග කළා.
ජොන්ස්ටන් ප්රනාන්දු වෙනුවෙන් පෙනී සිටි ජනාධිපති නීතිඥ කාලිංග ඉන්දතිස්ස සඳහන් කළේ, නඩුව කැඳවූ ඉකුත් 23 වනදා මෙම විත්තිකරු අධිකරණයට නොපැමිණ අපරාධ පරීක්ෂණ දෙපාර්තමේන්තුවට ප්රකාශයක්දීම සඳහා ගොස් ඇති බවයි.
කෙසේ වෙතත් විත්තිකරු ඉදිරිපත් කරන කරුණු කෙරෙහි සෑහීමකට පත්විය නොහැකි බව සඳහන් කළ විනිසුරුවරයා ඔහුට අමතර ඇපයක් නියම කරන බව නියෝග කරනු ලැබුවා.
ඒ, අනුව ජෝන්ස්ටන් ප්රනාන්දු හිටපු අමාත්යවරයා රුපියල් 25,000ක මුදල් ඇප සහ රුපියල් ලක්ෂ 10ක ශරීර ඇපයක් මත මුදාහැරීමට නියෝග කළ විනිසුරුවරයා ඇප තැන්පත් කිරීමෙන් පසුව විත්තිකරු මුදාහරින ලෙසත් නියෝග කරනු ලැබුවා.
ඉන් අනතුරුව නඩුවේ විභාගය ජනවාරි මස 27 වනදාට කල් දැමීමටයි කටයුතු කළේ.
වෙළඳ අමාත්යවරයා වශයෙන් කටයුතු කළ කාලය තුළ සතොස ආයතනයේ සේවකයින් ඔවුන්ගේ නිල රාජකාරීවලින් ඉවත් කර දේශපාලන ක්රියාකාරකම්වල යෙදවීම තුළින් රජයට පාඩුවක් සිදුකළ බව කියන චෝදනා සම්බන්ධයෙන් හිටපු අමාත්ය ජෝන්ස්ටන් ප්රනාන්දු ඇතුළු විත්තිකරුවන් තුන්දෙතිදෙනෙකුට එරෙහිව අල්ලස් කොමිසම විසින් මෙම නඩුව ගොනු කර තිබෙනවා.
