පසුගිය වසරේ ලංකා ප්රිමියර් ලීග් (LPL) කිරුළ දිනූ ජයග්රාහී යාපනය කණ්ඩායමෙන් මෙවර තරගාවලිය සඳහා ක්රීඩක වෙන්දේසියට පෙර දේශීය ක්රීඩකයින් සිව්දෙනකු රඳවා තබාගැනීමට Jaffna Kings කණ්ඩායමට අවස්ථාව හිමිවේ.
ඒ අනුව පසුගිය (LPL) තරගාවලියේ ජයග්රාහී යාපනය කණ්ඩායමේ නියමුවා වූ සුපිරි තුන් ඉරියව් ක්රීඩක තිසර පෙරේරා මෙවරද Jaffna Kings කණ්ඩායමේ නායකත්වය උසුලන බව මේ වන විටත් නිල වශයෙන් නිවේදනය කර ඇති අතර ඔහු ද ඇතුළුව Jaffna Kings කණ්ඩායම රඳවා තබාගන්නා ක්රිඩකයින් සිව්දෙනා වන්නේ තිසර පෙරේරා, වනිදු හසරංග, අවිශ්ක ප්රනාන්දු සහ මහේෂ් තීක්ෂණයි.
මෙම දේශීය ක්රීඩකයන්ට අමතරව Jaffna Kings කණ්ඩායම නියෝජනය කිරීම සඳහා කල්තියාම නම්කරනු ලැබූ විදේශීය ක්රීඩකයන් දෙදෙනකු ද වෙයි.
එම ක්රීඩකයන් වන්නේ ජාත්යන්තර ක්රිකට් පිටියේ පෙරලිකරුවන් වන ෆෆ් ඩූ ප්ලෙසිස් (Faf du Plessis) සහ වහබ් රියාස් (Wahab Riaz) ය. ඒ අනුව දකුණු අප්රිකාණු ක්රීඩක ඩූ ප්ලෙසිස් Jaffna Kings කණ්ඩායමේ විදේශීය Icon player ලෙසත් පකිස්තානු ක්රීඩක වහබ් රියාස් විදේශීය Diamond player ලෙසත් මෙවර ලංකා ප්රිමියර් ලීග් සටනට එක් වනු ඇත.
