ගාල්ල, ජා කොටුව වෙරළ තීරයට ගොඩගසා තිබු නාඳුනන මළසිරුරක් පැය ගණනාවක් පුරා රෝහලට ප්රවාහනය කර ගැනීමට නොහැකිව තිබියදී ගාල්ල ජාතික රෝහල වෙත ප්රවාහනය කර දීමට ගාල්ල කටුගොඩ ජනාසා සේවය ඊයේ (07) සවස කටයුතු කර තිබෙනවා.
ගාල්ල ජා කොටුව වෙරළ තීරයට ඊයේ (07) දහවල් නාඳුනන මළ සිරුරක් ගොඩගසා තිබු අතර පොලිසිය සහ මරණ පරීක්ෂකවරයා පැමිණ පරීක්ෂණ කටයුතු අවසන් කිරීමෙන් පසු මළ සිරුර ප්රවාහනය කර ගැනීම සඳහා වාහනයක් නොමැතිවීමෙන් පැය කිහිපයක් පුරා ඔවුන් දැඩි අපහසුතාවයට පත්ව තිබෙනවා.
මේ සම්බන්ධයෙන් නගර සභාව සහ වගකිවයුතු බලධාරීන් දැනුවත් කළද ඔවුන්ගෙන් ද නිසි ප්රතිචාරයක් නොමැති දීම නිසා ඒ සම්බධයෙන් කටුගොඩ ජනාසා සේවයට දැනුම් දීමෙන් පසු විනාඩි කිහිපයක් තුළ ඔවුන් පැමිණ මළ සිරුරේ ගාල්ල ජාතික ගාල්ල ජාතික රෝහල වෙත ප්රවාහනය කර ඇති බවයි පැවසෙන්නේ.
මියගිය අය වයස අවුරුදු 65ක් පමණ වන බවට අනුමාන කරන බවත් ඔහුගේ අනන්යතාවය හෙළි වී නොමැති බවද පොලිසිය පවසනවා.
සිරුර පිළිබඳ මරණ පරීක්ෂණය සිදු කිරීමෙන් පසු මළ සිරුර ගාල්ල ජාතික රෝහලේ මෘත ශරීරාගාරය වෙත රැගෙන යනු ලැබුවා.
