ජාතික ආරක්ෂක තත්ත්වය පිරිහීම සම්බන්ධයෙන් විශේෂ සාකච්ඡාවක් විපක්ෂ නායක සජිත් ප්රේමදාසගේ ප්රධානත්වයෙන් අද (20) උදෑසන පවත්වා තිබෙනවා.
පාර්ලිමේන්තුවේ විපක්ෂ නායක කාර්යාලයේ දී මෙම සාකච්ඡාව පවත්වා ඇති බවයි වාර්තා වුණේ.
මෙම රැස්වීමට මන්ත්රීවරුන් වන ගයන්ත කරුණාතිලක, සිවඥානම් ශ්රීතරන්, රවුෆ් හකීම්, රිෂාඩ් බදියුදීන්, රවී කරුණානායක, ජීවන් තොණ්ඩමන්, කේ. කාදර් මස්තාන්, දිලිත් ජයවීර, දයාසිරි ජයසේකර, ජේ.සී. අලවතුවල, ආචාර්ය එම්.එල්.ඒ.එම්. හිස්බුල්ලා, ආචාර්ය පී. සත්යලිංගම් සහ නිසාම් කාරියප්පර් අය සහභගී වී තිබෙනවා.
මෙම තත්ත්වය මහජනතාවගේ ජීවිතවලට බලපා ඇති බවත්, විපක්ෂ පාර්ලිමේන්තු මන්ත්රීවරුන්ට නිදහසේ තම මහජන සේවාවන් ඉටු කිරීමට නොහැකි තත්ත්වයන් නිර්මාණය වී ඇති බවත් පක්ෂ නායකයින් මෙහිදී පේනවා දී තිබෙනවා.
විපක්ෂයේ මන්ත්රීවරුන්ට පාර්ලිමේන්තුව තුළ සහ ඉන් පිටත නිදහසේ සහ ස්වාධීනව තම රාජකාරි ඉටු කළ හැකි පරිසරයක් නිර්මාණය කිරීමේ වගකීම සහ වගවීම කතානායකවරයාට අවධාරණය කළ යුතු බවයි මන්ත්රීවරු මෙහිදී අවධාරණය කර ඇත්තේ.
පැවතී ඇති තත්ත්වයන් සාකච්ඡා කිරීම සඳහා පොලිස්පතිවරයා සහ අමාත්ය ආරක්ෂක අංශයේ අධ්යක්ෂවරයා වහාම පාර්ලිමේන්තුවට කැඳවන ලෙස කතානායකවරයාගෙන් ඉල්ලා සිටීමට මෙහිදී තීරණය වී තිබෙනවා.
ඒ අනුව, පක්ෂ නායකයින් කතානායකවරයා හමුවී මෙම තීරණ සහ යෝජනා පිළිබඳව දැනුම් දුන් බවයි පාර්ලිමේන්තුවේ විපක්ෂ නායක කාර්යාලය සඳහන් කළේ.
