මුදල් විශුද්ධකරණය සහ ත්රස්තවාදී සංවිධාන සඳහා මූල්ය ආධාර සැපයීම යන කාරණා සම්බන්ධයෙන් ලෝකයේ කිසිදු රටක් ඉඩ ලබා නොදෙන බව මුදල් රාජ්ය අමාත්ය ශෙහාන් සේමසිංහ පවසනවා.
මේ සම්බන්ධයෙන් ජාත්යන්තරව ක්රියාත්මක වන ආයතනයක් වන (FATF) මූල්ය ක්රියාකාරිත්ව කාර්ය සාධක බලකාය මගින් 2020 පෙර ශ්රී ලංකාව අවදානම් රටක් ලෙස නම් කළ බවත්, මුදල් විශුද්ධිකරණය හරහා රට කළමනාකරණය කිරීමට හැකි බවට ජාතික ජන බලවේගය විසින් විශ්වාස කරන්නේ නම් ඉදිරියේ දී ශ්රී ලංකාව නැවත දැඩි අවදානමකට ලක්වන බව ද රාජ්ය අමාත්යවරයා සඳහන් කර සිටියා.
රාජ්ය අමාත්යවරයා මේ බව කියා සිටියේ අද (21) අනුරාධපුරයේ දී මාධ්ය වෙත අදහස් දක්වමින්.
ගිණුම් ශේෂය තුළ ඇතිව තිබෙන පරතරය සීමා කර ගැනීම, ආර්ථික ක්රියාකාරීත්වය සහ උපාය මාර්ගික සැලැස්මක් මගින් ප්රාථමික ගිණුමේ ශේෂය ධනාත්මකව කිරීම වෙනුවට ජාතික ජන බලවේගය පවසන අන්දමට මුදල් විශුද්ධිකරණය මගින් නොවන බවත් රාජ්ය අමාත්යවරයා පවසනවා.
මේ අතර ශ්රී ලංකා ආර්ථිකයේ ප්රගතිය සහ ඉදිරියේ දී ගත යුතු ක්රියාමාර්ග සම්බන්ධයෙන් සාකච්ඡා කිරීම සඳහා ජාත්යන්තර මූල්ය අරමුදලේ නියෝජිත කණ්ඩායමක් ලබන සතියේ දිවයිනට පැමිණෙන බව රාජ්ය අමාත්යවරයා මෙහිදී වැඩිදුරටත් පැවසුවා.
