ජන අරගලයට ගාලු මුවදොරට පැමිණ සහය දැක්වූ පොලිස් නිලධාරියාගේ කැරැට්ටුව එළියට

කොළඹ ගාලු මුවදොර පිටියේ පැවැත්වෙන ජන අරගලයට අද විශේෂ දවසක්.
ඒ අවුරුදු දවසේ අවුරුදු සැමරුමක්ද එහි සිදුකිරීම.
ඒ වගේම රට වටෙන්ම බොහෝ පිරිසක් අද කැවිලි සහ ආහාර සමග අවුරුදු රැගෙන ගාලු මුවදොර පිටියට පැමිණ සිටින අයුරු දැකගැනීමට හැකිවුණා.
ඒ වගේම මේ වනවිට බොහෝ දෙනෙකුගේ අවධානය යොමුව තිබෙන පොලිස් නිලධාරියෙකුගේ පැමිණීම ගැනත් කවුරුත්ම කතාවෙනවා.
ඔහු එම ස්ථානයට පැමිණ අදහස් දැක්වීමක්ද සිදුකර තිබුණා.
එහිදී ඔහු පැවසුවේ රැකියාව නැති වුණත් කුලී වැඩක් කර තම පවුල රැකගැනීම නම්බුවක් බවයි.
කෙසේ වෙතත් මෙම පොලිස් නිලධාරියා කවුද..?
මේ වනවිට ඔහු සම්බන්ධ චෝදනා රැසක් පිළිබඳ තොරතුරු පැතිර යමින් තිබෙනවා.
ඒ මෙම නිලධාරියා චෝදනා රැසකට සම්බන්ධ පුද්ගලයෙක් බවත් අරගලයට මුවාවී ඒවායින් ගැලවී මිනිසුන්ගේ නම දිනාගෙන තම ජීවිතය ගොඩනගා ගැනීමට වෙර දරන බවත්ය.
ඒ සම්බන්ධ පොලිස් වාර්තා කිහිපයක්ද අප වෙත ලැබී තිබෙනවා.
එහි සඳහන්ව තිබෙන්නේ පොලිස් සැරයන්වරයෙකු වන මෙම පුද්ගලයා 1999 රාජකාරී පැහැරහැරීමක් සම්බන්ධයෙන් දඩුවම් ලබා ඇති බවයි.
තවද 2013 මැයි මස 22 වැනි දින ගංජා කිලෝ ග්‍රෑම් 5 ග්‍රෑම් 16 ක් ජාවාරම් සඳහා ප්‍රවාහනය කිරීමට වරදකරු වී ඇති බවයි.
තවද අපකීර්තිමත් හැසිරීම, දූෂිත ක්‍රියා අණට කීකරු නොවීම යන හේතු මත පරීක්ෂණවලට ලක්ව වැරදිකරු බවට තීරණය කිරීම නිසා ඉන් ගැලවීම සඳහා අරගලයට පැමිණ ඇති බවයි.

මේ කෙසේ වෙතත් ප්‍රශ්නය වන්නේ එසේ මෙම නිලධාරියා කටයුතු කර ඇත්නම් මේ දක්වා ඔහු සේවයේ පිහිටවා තිබෙන්නේ කෙසේද යන්නයි..

අරගලයට පැමිණි වහාම මේ දේවල් එළියට දමන්නේ කුමන හේතුවක් නිසාද යන්න ගැටලුවකි

පොලිස් වාර්තා බවට සඳහන් කරමින් අපට ලැබුණු සටහන් පහතින්…

පෙර පුවත – මුවදොර ජනතා අරගලයට පොලිස් නිලධාරියෙකුත් එක්වෙයි (VIDEO)