පාරිභෝගික කටයුතු පිළිබඳ අධිකාරිය විසින් ජනවාරි මස සිට නොවැම්බර් 20 වැනි දින තෙක් සිදු කළ වැටලීම්වලින් රුපියල් කෝටි 24ක දඩ මුදල් අය කරගැනීමට සමත් ව තිබෙනවා.
පාරිභෝගික කටයුතු පිළිබඳ අධිකාරිය පැවසුවේ එහි සභාපති නීතිඥ ශාන්ත නිරිඇල්ලගේ උපදෙස් මත 2023 ජනවාරි මාසයේ සිට නොවැම්බර් මාසය දක්වා දිවයින පුරා වැටලීම් 22000ක පමණ ප්රමාණයක් සිදු කර ඇති බවයි.
ඒ අතර සහල් වැටලීම් 3151ක් සහ සීනි වැටලීම් 510ක් පමණ සිදු කර තිබෙනවා.
20,256ක පමණ නඩු පැවරිමෙන් රු.241,849,949/- (රුපියල් විසිහතර කෝටි දහඅට ලක්ෂ හතලිස් නවදහස් නවසිය හතලිස් නමයක) මුදලක් අධිකරණය මගින් වැරදිකරුවන් හට දඩ ලෙස නියම කර ඇති බවත් වාර්තා වනවා.
පාරිභෝගික කටයුතු පිළිබද අධිකාරිය විසින් මෙම උත්සව සමයේ පාරිභෝගික ජනතාව මිල දී ගන්නා භාණ්ඩ සහ ආහාරවල සුරක්ෂිතතාව උදෙසා සියලු ම දිස්ත්රික්ක ආවරණය වන පරිදි වැටලීම් සහ විමර්ශන තීව්ර කිරීමට කටයුතු කර ඇති බවයි සඳහන් වන්නේ.
