ජනප්රිය ඉන්දීය චිත්රපට නිෂ්පාදකවරයෙක් වන ක්රිෂාන් කුමාර්ගේ දියණිය ජීවිතක්ෂයට පත්ව තිබෙනවා.
ඉන්දීය මාධ්ය වාර්තා කරන්නේ ක්රිෂාන් කුමාර්ගේ දියණිය වන තිෂා කුමාර් පිළිකා රෝගයක් හේතුවෙන් මෙලෙස අවාසනාවන්ත ලෙස මියගොස් ඇති බවයි.
වසර ගණනාවක් පිළිකා රෝගත් සමඟ සටන් කරමින් සිටි තිෂා ඊයේ (18) ජීවිතක්ෂයට පත්ව ඇති බවයි වාර්තා වන්නේ.
තිෂාගේ පවුලේ සමීපතමයි මාධ්ය වෙත පවසා ඇත්තේ ඇය ජර්මනියේ රෝහලකදී ජීවිතක්ෂයට පත් වූ බවත් ඇය ජීවිතක්ෂයට පත්වන විට 21 හැවිරිදි වියේ පසු වූ බවයි.
පිළිකා රෝගයත් සමඟ ඇයව ප්රතිකාර සඳහා ජර්මනියට රැගෙන යාමට පවුලේ ඥාතීන් කටයුතු කර තිබුණා.
මේ අතර ක්රිෂාන් කුමාර් නිෂ්පාදකවරයෙක් වශයෙන් No Time for Love, Airlift, Satyameva Jayate, Tanhaji, Sonu Ke Titu Ki Sweety, Bhool Bhulaiyaa 2, Chandigar Kare Aashiqui, Thappad වැනි ජනප්රිය චිත්රපට රැසකට දායක වී තිබෙනවා.
ඔහුගේ අවසන් නිෂ්පාදනය වුයේ 2023 වසරේ නිකුත් වූ සන්දීප් රෙඩ්ඩි වංගගේ ‘ඇනිමල්’ චිත්රපටයයි.
