ජනපති සහ ඉන්දීය අගමැති මෝදි අතර ද්විපාර්ශ්වික සාකච්ඡා

ජනාධිපති අනුර කුමාර දිසානායක සහ ඉන්දීය අග්‍රාමාත්‍ය නරේන්ද්‍ර මෝදි අතර ද්විපාර්ශ්වික සාකච්ඡා අද (20) දහවල් පවත්වා තිබෙනවා.

නවදිල්ලි නුවර පැවැත්වෙන ‘AI Impact 2026’ සමුළුවට සමගාමීව රාජ්‍ය නායකයින් දෙදෙනා අතර මෙම සාකච්ඡා පවත්වනු ලැබුවා.

ඉන්දු – ශ්‍රී ලංකා ඓතිහාසික සබඳතා තවදුරටත් ශක්තිමත් කර ගනිමින් දෙරට අතර ආර්ථික, වෙළෙඳ සහ සංස්කෘතික සහයෝගීතාව වර්ධනය කර ගැනීම පිළිබඳ නායකයෝ දීර්ඝ ලෙස සාකච්ඡා කළා.

එමෙන්ම, දිට්වා සුළි කුණාටුව හමුවේ ශ්‍රී ලංකාවට ලබා දුන් සුවිශේෂී සහය පිළිබඳව මෙහිදී ජනාධිපතිවරයා ඉන්දීය අග්‍රාමාත්‍යවරයා වෙත සිය කෘතඥතාවද පළ කර සිටියා.

එමෙන්ම අද (20) අගමැති මෝදි, ලිච්ටෙන්ස්ටයින් හි පාරම්පරික කුමාරයා වන ඇලෝයිස් කුමරු සහ ස්ලෝවැකියාවේ ජනාධිපති පීටර් පෙලෙග්‍රිනි සමඟ ද ද්විපාර්ශ්වික සාකච්ඡා පවත්වා තිබෙනවා.