ජනාධිපති රනිල් වික්රමසිංහ මහතා දිවයිනෙන් බැහැර වන එම කාලසීමාව තුළ ඔහු යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා තිබෙනවා.
ජනාධිපතිවරයා ඉන්දියාවේ දෙදින නිල සංචාරයක් සඳහා අද (20) පස්වරුවේ දිවයිනෙන් පිටත්ව යාමට නියමිත යි.
ඒ අනුව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා වැඩබලන ආරක්ෂක අමාත්යවරයා ලෙසද, මුදල් රාජ්ය අමාත්ය ශෙහාන් සේමසිංහ මහතා වැඩබලන මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා ලෙසද, ආයෝජන ප්රවර්ධන රාජ්ය අමාත්ය දිලුම් අමුණුගම මහතා වැඩබලන ආයෝජන ප්රවර්ධන අමාත්යවරයා ලෙසද, තාක්ෂණ රාජ්ය අමාත්ය කනක හේරත් මහතා වැඩබලන තාක්ෂණ අමාත්යවරයා ලෙස ද සමාජ සවිබල ගැන්වීම් රාජ්ය අමාත්ය අනුප පැස්කුවල් මහතා වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙසද පත් කර තිබෙනවා.
