චීන සහ රුසියානු නාවික හමුදා සිය දිවයින වටා මුහුදු තීරයේ ක්රියාත්මක වීම ඉහළ යෑම සැලකිල්ලට ගෙන ජපානය තම භූමියේ නැව් නාශක මිසයිල වෙඩි තැබීමේ අභ්යාසයක් පැවැත්වීමට සූදානම් වනවා.
මෙය බටහිර පැසිෆික් සාගරයේ චීනයේ සහ රුසියාවේ මිලිටරි ප්රවේශය සීමා කිරීම අරමුණු කරගත් උපාය මාර්ගයක කොටසක් වනවා.
ටෝකියෝව ජපන් දූපත් සමූහය වටා ඇති ජල මාර්ග පහක් “ජාත්යන්තර සමුද්ර සන්ධි” ලෙස නම් කර ඇති අතර, ඒවා චීන සහ රුසියානු නාවික යාත්රා ප්රවාහනය සඳහා භාවිතා කරනවා.
ජපාන ආරක්ෂක අමාත්යාංශය නිතිපතා ඔවුන්ගේ චලනයන් නිරීක්ෂණය කර වාර්තා කර කර තිබෙනවා.
ජපාන භූමි ස්වයං ආරක්ෂක බලකාය අඟහරුවාදා නිවේදනය කළේ තම වාර්ෂික මතුපිට සිට නැව් නාශක මිසයිල වෙඩි තැබීමේ පුහුණුව ජුනි 19 සිට 30 දක්වා ජපානයේ උතුරු කෙළවරේ පිහිටි ප්රධාන දූපත වන හොක්කයිඩෝ හි දකුණු වෙරළ තීරයේ පැවැත්වෙන බවයි.
මෙම පුහුණුවේ අරමුණ හමුදාවේ නෞකා නාශක හැකියාවන් වැඩිදියුණු කිරීමයි.
ජපන් දිනපතා පුවත්පතක් වන අසාහි ෂිම්බන් බදාදා වාර්තා කළේ මෙම පුහුණුවට Type 88 ගොඩබිම සිට එල්ල කරන නැව් නාශක මිසයිලය ඇතුළත් වන අතර එය සැතපුම් 62කට වඩා දුරින් පිහිටි ඉලක්ක වලට පහර දිය හැකි බවයි.
චීනය සිය යුද නැව් බලඇණිය පුළුල් කිරීම සහ නාවික ක්රියාකාරකම් වැඩි කිරීම ජපානය සිය නැව් ගිල්වීමේ හැකියාවන් වැඩි දියුණු කිරීමට තල්ලු කර තිබෙනවා.
