පකිස්ථානයේ ලාහෝර් නුවර ක්රියාත්මක ඔරේන්ජ් ලයින් මෙට්රෝ දුම්රිය ව්යාපෘතිය මේ වනවිට දැඩි කතාබහට ලක්ව තිබෙනවා.
ඒ එම ව්යාපෘතිය හේතුවෙන් පාකිස්ථානය චීන ග්රහණයට ලක්ව ඇති බවට බොහෝ දෙනා චෝදනා කිරීමත් සමගයි.
චීන සමාගමට හිමි වගකීම නිසි පරිදි ඉටු නොවීම හේතුවෙන් ඔරේන්ජ් ලයින් මෙට්රෝ දුම්රිය ව්යාපෘතිය කළමනාකරණය කරන පාකිස්ථාන නියෝජිතායතන ගැටළු රැසකට මුහුණ දී සිටින බවයි විදෙස් මාධ්ය වාර්තා කරන්නේ.
මෙම ව්යාපෘතිය පාකිස්ථානය තුළ බොහෝ විවේචනයට ලක්ව තිබෙනවා.
විරුද්ධ පක්ෂ තර්ක කරන්නේ ව්යාපෘතිය සඳහා ඇති අධික ණය සහ අඛණ්ඩව අපේක්ෂා කරන රාජ්ය සහයෝගය නිසා දිළිඳු ජනතාවට ලැබීමට ඇති සුබසාධන ප්රතිලාභ අහිමි කරන බවයි.
මෙට්රෝ මාර්ගය තුළ එළිමහන් ගිනි නිවන උපකරණ සවි කිරීමේ දෝෂ ඇති බවට පැමිණිලි ද ලැබී තිබූ අතර එය පැහැදිලිවම සැලසුම් දෝෂයක් බවට හෙළිදරව් වී තිබෙනවා.
මේ හේතුවෙන් වාහන කිහිපයක් ගිනි නිවන ද්රව්යවල ගැටී ඇති අතර එමඟින් ජනතාවට සිදු වූ තුවාල මෙන්ම වාහන අලාභහානි සම්බන්ධයෙන් ද වාර්තා වී ඇති බව සඳහන්.
මෙම ගැටලුව විසඳීම සඳහා මෙට්රෝ දුම්රිය ස්ථානවල ගිනි නිවන උපකරණ නැවත ස්ථානගත කිරීමට නව සැලැස්මක් යෝජනා කරන ලෙසයි පාකිස්ථාන බලධාරීන් ඉල්ලා ඇත්තේ.
මෙට්රෝ මාර්ගයේ සුමට ක්රියාකාරිත්වයට බලපාන තවත් නොනවතින ගැටළුවක් වන්නේ ජලය කාන්දු වීම සහ ජලය බැස යාමයි.
ව්යාපෘතිය වසර තුනක් පවත්වාගෙන ගියද කාණු පද්ධති නිසියාකාරව ක්රියාත්මක වී නැහැ.
එහි නඩත්තු කටයුතු කරන ඉංජිනේරු ආයතනය වන පාකිස්ථාන පුද්ගලික සමාගම මෙම ගැටලුව සම්බන්ධයෙන් චීන සමාගම් වෙත කිහිප වතාවක්ම පැමිණිලි කර ඇති බව විදෙස් මාධ්ය වැඩිදුරටත් වාර්තා කළා.
