චීනයේ සිදු වූ දරුණු රිය අනතුරක් හේතුවෙන් 19 දෙනෙකු මියගොස් තවත් 20 දෙනෙකු තුවාල ලබා ඇතැයි චීන මාධ්‍ය වාර්තා කරනවා.
එරට වේලාවෙන් අද අලුයම 1ට පමණ ජියැන්ග්ෂි පළාතේ නන්චාන්ග් නගරයේදී මෙම රිය අනතුර සිදුව ඇති බවයි වාර්තා වන්නේ.
අනතුරට අනතුරට හේතුව සෙවීම සඳහා විශේෂ විමර්ශනයක් ආරම්භ කර ඇති අතර අනතුර සිදුවන අවස්ථාවේ අධික මීදුමක් එම ප්‍රදේශයේ තිබී ඇති බව පොලිසිය ප්‍රකාශ කර තිබෙනවා.
අවමංගල්‍ය උත්සවයක් සඳහා සහභාගී වීම වෙනුවෙන් පිටත්ව යාමට පැමිණි පිරිසක් චීනයේ සිරිත් විරිත්වලට අනුව මළවුන් වෙනුවෙන් පුජාවක් අනතුර සිදු වූ ස්ථානයේ සිට පවත්වා ඇති අතර ට්‍රක් රථයක් එම පිරිසගේ ගැටීමෙන් මෙම අනතුර සිදු ව ඇති බවයි චීන ප්‍රාදේශීය මාධ්‍ය වාර්තා කර ඇත්තේ.
මියගිය සහ තුවාල ලැබූ බොහෝ දෙනා එම අවමංගල්‍ය උත්සවය සඳහා සහභාගී වීමට යෑමට පැමිණි පුද්ගලයන් බව ද සඳහන්.
මාර්ග අනතුර පිළිබඳ තොරතුරෙන් පසු නන්චැං ප්‍රාන්ත රථවාහන පොලිසිය රියදුරන්ට උපදෙස් දී ඇත්තේ ප්‍රදේශයේ මීදුම පවතින බවින් සැලකිලිමත් වන ලෙසටයි.
දැඩි ආරක්ෂිත පාලනයක් නොමැතිකම හේතුවෙන් චීනයේ මාර්ග අනතුරු බහුලව දක්නට ලැබෙනවා.
පසුගිය මාසයේ, මධ්‍යම චීනයේ අධිවේගී මාර්ගයක දී වාහන සිය ගණනක අනතුරට ලක්වූ අතර එක් පුද්ගලයෙක් මරණයට පත්වුණා.
සැප්තැම්බර් මාසයේදී, නිරිතදිග Guizhou පළාතේ නිරෝධායන මධ්‍යස්ථාන වෙත ආසාදිතයන් ප්‍රවාහනය කරමින් තිබූ බස් රථයක් අධිවේගී මාර්ගයක පෙරලීමෙන් මගීන් 27 දෙනෙකු මරණයට පත්වුණා.
