චීනයේ හෙනාන් පළාතේ පාලමක් මතදී වාහන 200ක් පමණ අනතුරට ලක්ව තිබෙනවා.
අයහපත් කාලගුණික තත්ත්වය සහ නොසැලකිලිමත් රිය ධාවනය හේතුවෙන් මෙම අනතුරු සිදුවී ඇති බවයි විදෙස් මාධ්‍ය වාර්තා කළේ.
අනතුර සිදුවූ ස්ථානයේ බොහෝ පිරිසක් තුවාල ලබා සිරවී සිටින අතර ගිනි නිවන ඒකක ඇතුළු සහන කණ්ඩායම් ද එම ස්ථානයට කැඳවා තිබෙනවා.
චීන රාජ්‍ය මාධ්‍ය වාර්තා කළේ ප්‍රාදේශීය ගිනි නිවන දෙපාර්තමේන්තුව ගිනි නිවන රථ 11 ක් සහ ගිනි නිවන භටයින් 66ක් එම ස්ථානයට යවා ඇති බවයි.
මුලික තොරතුරුවලට අනුව වාහන 200කට වැඩි ප්‍රමාණයක් එකිනෙක ගැටී අනතුරට ලක්වී ඇති අතර තුවාල ලැබූවන් ප්‍රතිකාර සඳහා රෝහල් ගත කර ඇති බවයි වාර්තා වන්නේ.
ප්‍රාදේශීය කාලගුණ විද්‍යා තොරතුරුවලට අනුව Zhengzhou හි දෘශ්‍යතාව මීටර් 500 (අඩි 1,640) ට වඩා අඩුවී තිබෙනවා.
Zhengxin Huanghe පාලම යනු Zhengzhou සහ අසල්වැසි Xinxiang සම්බන්ධ කරන කහ ගඟ හරහා ඇති ප්‍රධාන පාලමක්.
කෙසේවෙතත් මෙම අනතුරින් ජීවිත හානි කිසිවක් මෙතෙක් වාර්තා වී නැහැ.
