චීනයෙන් අරමුදල් සපයන ලද පොකාරා හි ඩොලර් මිලියන 215.96 ක ජාත්යන්තර ගුවන්තොටුපළ ව්යාපෘතියේ ඉදිකිරීම් වලදී අක්රමිකතා සම්බන්ධයෙන් නේපාලයේ දූෂණ විරෝධී ආයතනය, විශේෂ අධිකරණයක් හමුවේ හිටපු අමාත්යවරුන් පස් දෙනෙකු සහ හිටපු ලේකම්වරුන් 10 දෙනෙකු ඇතුළු පුද්ගලයින් 55 දෙනෙකුට මෙන්ම සමාගමකට එරෙහිව දූෂණ නඩුවක් ගොනු කළා.
අධිකරණයට අනුව, රාජ්ය ප්රසම්පාදන ක්රියාවලියක් යටතේ මුදල් සම්බන්ධයෙන් විශේෂ අධිකරණයේ ගොනු කර ඇති විශාලතම දූෂණ නඩුව මෙයයි.
දූෂණ විරෝධී ආයතනය විත්තිකරුවන් 56 දෙනාගෙන් එක් අයෙකුගෙන් රුපියල් බිලියන 8.36 ක් අයකර ගැනීමට තීරණය කර ඇති අතර එය විශාලතම මූල්ය දඬුවමයි.
කෙසේ වෙතත්, අවසාන දඬුවම අධිකරණය විසින් තීරණය කරනු ඇති.
ඔවුන් [සියලුම පුද්ගලයින් 55 දෙනා සහ සමාගම] ද්වේෂසහගත චේතනාවෙන් ගුවන් තොටුපළේ අනුමත පිරිවැය ඇස්තමේන්තුව සංශෝධනය කර, ඇස්තමේන්තුව අසාමාන්ය ලෙස වැඩිකර කර, ඒ අනුව අධික ගෙවීම් සිදු කළ බවට චෝදනා එල්ල කර තිබෙනවා.
ලොව ප්රසිද්ධ කඳු නැගීමේ ගමනාන්තයක් වන අන්නපූර්ණ පරිපථයට පිවිසෙන දොරටුව වන ගුවන් තොටුපළ 2023 ජනවාරි මාසයේදී විවෘත කළ නමුත් මේ දක්වා කිසිදු නියමිත ජාත්යන්තර මගී ගුවන් ගමනක් ලැබී නැහැ.
