ඉරානයේ චාබහාර් වරාය සංවර්ධනය කිරීමේ දී ඉන්දියාව ලබා ඇති ප්‍රගතිය මුහුදු ප්‍රවේශයක් නොමැති මධ්‍යම ආසියානු රටවලට “විශාල වටිනාකමක්” පමණක් නොව ඉන්දියාව සහ යුරේසියාව අතර වෙළෙඳාමේ “අවදානම ඉවත් කරයි” යැයි අගමැති නරේන්ද්‍ර මෝදි පවසනවා.
අස්තානා වෙත පැමිණ සිටින ඉන්දීය විදේශ කටයුතු අමාත්‍ය එස් ජයිශංකර්, කසකස්තාන් අගනුවර පැවති ෂැංහයි සහයෝගිතා සංවිධානයේ (SCO) රාජ්‍ය නායක කවුන්සිලයේ දී අගමැති මෝදිගේ ප්‍රකාශය ඉදිරිපත් කළා.
“අභියෝග මත අධිෂ්ඨානශීලීව සිටින අතරම, ප්‍රගතියේ මාර්ග සක්‍රීයව සහ සහයෝගීව ගවේෂණය කිරීම ද එකසේ වැදගත් වේ. වර්තමාන ගෝලීය විවාදය යොමු වී ඇත්තේ නැවත සමතුලිත ලෝකයකට වඩා හොඳ සේවාවක් සපයන නව සම්බන්ධතා ඇති කිරීම කෙරෙහිය. මෙය බැරෑරුම් වේගයක් ලබාගැනීමට නම්, එයට බොහෝ දෙනාගේ ඒකාබද්ධ උත්සාහයන් අවශ්‍ය වේ. එය රාජ්‍යවල ස්වෛරීභාවයට සහ භෞමික අඛණ්ඩතාවයට ගරු කළ යුතු අතර අසල්වාසීන්ට වෙනස් කොට සැලකීමකින් තොරව වෙළඳ සහ සංක්‍රමණ අයිතිවාසිකම්වල පදනම මත ගොඩනගා ගත යුතුය. SCO ව්‍යාප්ත පවුල සඳහා, ඉන්දියාව සහ ඉරානය අතර දිගුකාලීන ගිවිසුමක් හරහා මෑතකදී චාබහාර් වරායේ ප්‍රගතිය අපි සලකුණු කරමු. මෙය ගොඩබිම් සහිත මධ්‍යම ආසියානු රටවලට විශාල වටිනාකමක් පමණක් නොව ඉන්දියාව සහ යුරේසියාව අතර වාණිජ්‍යය අවදානම් අවම කරයි.” අගමැති මෝදිගේ ප්‍රකාශයේ සඳහන්
2003 දී ඉන්දියාව සංවර්ධනය කිරීමට යෝජනා කළ ඕමාන් බොක්කෙහි චාබහාර් වරාය, පාකිස්තානය මග හරිමින් ජාත්‍යන්තර උතුරු-දකුණු ප්‍රවාහන කොරිඩෝව නමින් මාර්ග සහ දුම්රිය ව්‍යාපෘතියක් හරහා ගොඩබිම් සහිත ඇෆ්ගනිස්ථානයට සහ මධ්‍යම ආසියාවට ළඟා වීමේ පිවිසුමක් සමගින් ඉන්දියානු භාණ්ඩ සැපයීමට අවස්ථාව උදා කරනවා.
එක්සත් ජනපදය ඉරානයට පනවා ඇති සම්බාධක වරායේ සංවර්ධනය මන්දගාමී කළා.
මැයි මාසයේ දී ඉන්දියාව මධ්‍යම ආසියාව සමඟ වෙළඳාම පුළුල් කිරීමට උපකාරී වන උපායමාර්ගික ඉරාන වරාය වන චාබහාර් ක්‍රියාත්මක කිරීම සඳහා වසර 10 ක කොන්ත්‍රාත්තුවක් අත්සන් තැබුවා.
ඇෆ්ගනිස්ථානයට තිරිඟු ආධාර ටොන් 20,000ක් යැවීමට ඉන්දියාව පසුගිය වසරේ චාබහාර් වරාය භාවිතා කළා.
2021 දී ඉරානයට පරිසර හිතකාමී පළිබෝධනාශක සැපයීම සඳහා එයම භාවිත කරනු ලැබුවා.
අසල්වැසි පාකිස්තානය මග හරිමින් මධ්‍යම ආසියාවේ විභවයන් සෘජුව ප්‍රයෝජනයට ගැනීමේ ප්‍රයත්නයක් ලෙස මෙය සැලකිය හැකියි.
ඉන්දියාව චංබහාර් වරායේ කොටසක් සංවර්ධනය කරමින් සිටින අතර 2003 ඉරාන ජනාධිපති මුහම්මද් ඛටාමිගේ ඉන්දීය සංචාරයේ දී වරාය සංවර්ධනය පිළිබඳ සාකච්ඡා ආරම්භ වුණා.
චාබහාර් වරාය ප්‍රයෝජනයට ගැනීමෙන්, ඉන්දියාව ඉලක්ක කරන්නේ පකිස්තානය මගහැර ඇෆ්ගනිස්ථානයට සහ ඉන් ඔබ්බට මධ්‍යම ආසියාවට සෘජු ප්‍රවේශයක් ඇති කිරීමයි.
ගුජරාටයේ කන්ඩ්ලා වරාය චබහාර් වරායට ආසන්නතම ඉන්දීය වරාය වන අතර දුර නාවික සැතපුම් 550ක්.
චබහාර් සහ මුම්බායි අතර දුර නාවික සැතපුම් 786ක්.
