පෙරේදා (03 වැනිදා) පිටිගල කබලුව ප්රදේශයේදී කළ වෙඩි තැබීමකින් පුද්ගලයෙකු ජීවිතක්ෂයට පත්ව තිබේ. මෙලෙස මියගොස් ඇත්තේ පිටිගල නියාගම පදිංචි රංග ප්රසංග නැමති 32 හැවිරිදි විශ්රාමික හමුදා සෙබළකු බව පිටිගල පොලිසිය සඳහන් කරයි.
මියගිය පුද්ගලයා පොලියට මුදල් ලබාදෙන ව්යාපාරයක් පවත්වාගෙන ගොස් තිබෙන බවත් එම මුදල් ගනුදෙනුවක් හේතුවෙන් බූරු පොළකදී පුද්ගලයෙකු හා ඇතිකර ගත් ආරවුලක් මෙම ඝාතනයට හේතුවී ඇති බවත් පොලිසිය සැක කරයි.
මෙම පුද්ගලයා යතුරු පැදියෙන් නිවස බලා යමින් සිටියෙදී මගරැක සිට මෙම වෙඩි තැබීම සිදුකර ඇත්තේ වෙඩි තැබුම වූ ස්ථානයෙන් මාර්ගය හරස් කරමිනි.
වෙඩි ප්රහාරයට ලක්වූ පුද්ගලයා ගල්කන්ද ප්රාදේශීය රෝහලට ඇතුළත් කිරීමෙන් අනතුරුව බරපතළ තත්ත්වයෙන් ගාල්ල, කරාපිටිය ශික්ෂණ රෝහල වෙත ඇතුළත් කර ඇත. එහිදී ඔහු මියගොස් තිබේ.
පිටිගල පොලිස් ස්ථානාධිපති පොලිස් පරීක්ෂක ජයරත්න සිල්වාගේ මෙහෙයවීම මත සිදුකළ විමර්ශන මගින් ඝාතකයා හඳුනාගෙන ඇති අතර ඔහු අත්අඩංගුවට ගැනීම සඳහා වැඩිදුර පරීක්ෂණ සිදුකෙරේ.
මෙම ඝාතනය පෞද්ගලික ආරවුලක් මත සිදුව තිබෙන බවත් පාතාලයේ සම්බන්ධයක් නොමැති බවත් පිටිගල පොලිසිය කියා සිටියි.
