ගෝලීය අවශ්යතා නිසි පරිදි සැලකිල්ලට ගනිමින් ශ්රී ලංකාවේ අධ්යාපනය සම්බන්ධයෙන් වන ඉදිරි සැලසුම් සකස් විය යුතු බව ජනාධිපති අනුර කුමාර දිසානායක මහතා ප්රකාශ කළා.
ජනාධිපති මාධ්ය අංශය නිවේදනය කළේ; ජනාධිපති ලේකම් කාර්යාලයේ දී අද (16) පැවති අධ්යාපන, විද්යා හා තාක්ෂණ අමාත්යාංශවල ප්රගති සමාලෝචන සාකච්ඡාවට එක්වෙමින් ජනාධිපතිවරයා මේ බව පැවසූ බවයි.
ශ්රී ලංකාවේ ප්රගමනයට ඉවහල් වන සේ මානව සම්පත වැඩිදියුණු කිරීම සඳහා දරුවන් දැනුමෙන් සන්නද්ධ කළ යුතු බව ද ජනාධිපතිවරයා මෙහිදී පෙන්වා දුන්නා.
ඊට අමතරව ඉදිරි අවුරුදු දහය තුළ ලෝකයට අවශ්ය වන මානව සම්පත නිර්මාණය කිරීමේ මෙහෙයුම අධ්යාපන නිලධාරීන්ට පැවරෙන වගකීමක් බවත් ඒ සඳහා වන පුළුල් දැක්මක් සහිතව අධ්යාපන ව්යාපෘති සකස් කිරීමේ ඇති අවශ්යතාව ද මෙහිදී ජනාධිපතිවරයාගේ අවධානයට යොමු වූ බවයි වාර්තා වන්නේ.
ජනාධිපති අනුර කුමාර දිසානායක මහතා හා අග්රාමාත්ය ආචාර්ය හරිනි අමරසූරිය මෙනෙවියගේ ප්රධානත්වයෙන් පැවති මෙම අමාත්යාංශ ප්රගති සමාලෝචනයේ දී අධ්යාපන , විද්යා හා තාක්ෂණ අමාත්යාංශවල ක්රියාත්මක ව්යාපෘති පහක් සම්බන්ධයෙන් පුළුල්ව සාකච්ඡාවට බඳුන් කෙරුණා.
පාසල් අධ්යාපනය නවීකරණය, ගුරු අධ්යාපනය, ද්විතියික අධ්යාපනය, තාක්ෂණික අධ්යාපනය සහ තොරතුරු තාක්ෂණ අධ්යාපනය සංවර්ධනය කිරීම යන කරුණු මෙම සාකච්ඡාවේ දී අවධානයට ලක් වුණු අංශයි.
මීට අදාළ ව්යාපෘති කඩිනමින් ක්රියාත්මක කරන ලෙස ද ජනාධිපතිවරයා සහ අග්රාමාත්යවරිය මෙහිදී නිලධාරීන්ට උපදෙස් ලබා දුන්නා.
උසස් පෙළ සඳහා විද්යා, ගණිත හා තාක්ෂණ විෂය නිර්දේශ හදාරන පාසල් ප්රමාණය පුළුල් කිරීමට ද මෙහිදී වැඩිදුරටත් සාකච්ඡා කෙරුණු අතර මෙම සාකච්ඡාවට ජනාධිපති ලේකම් ආචාර්ය නන්දික සනත් කුමානායක , අධ්යාපන ලේකම් තිලකා ජයසුන්දර මහත්මිය ඇතුළු අමාත්යාංශ නිලධාරීන් පිරිසක් මෙම අවස්ථාවට එක්ව සිටියා.
