කටුනායක ජාත්යන්තර ගුවන් තොටුපොළ කාර්යය බහුල දින සහ වේලාවල දී, ගුවන් මගීන් සමඟ පැමිණෙන අමුත්තන් සඳහා, පිටත්වීමේ පර්යන්තයේ ආලින්දය වෙත පිවිසීම අත්හිටුවීමට ගුවන් තොටුපොළ තීරණය කර ඇති බව අලෙවිකරණ සහ ආයතනික සන්නිවේදන අංශයේ ප්රධානී සුමිත් ද සිල්වා පවසනවා.
ඒ, අනුව සෑම සතියකම බ්රහස්පතින්දා, සිකුරාදා සහ සෙනසුරාදා යන දිනවල රාත්රී 10.00 සිට මධ්යම රාත්රී 12.00 දක්වා කාලය තුළ කටුනායක ගුවන් තොටුපොළ පිටත්වීමේ පර්යන්තයේ ආලින්දය වෙත අමුත්තන්ට ඇතුළු වීම අත්හිටුවීමට තීරණය කර තිබෙනවා.
පසුගිය දිනවල කටුනායක ගුවන් තොටුපොළ පිටත්වීමේ පර්යන්තයේ රාත්රී කාලයේ ගුවන් මගීන් සහ ගුවන් තොටුපොළ භාවිත කරන්නන් අධික තදබදයකට ලක් වීම නිසා අපහසුතා ඇතිව තිබුණා.
ඒ, අනුව ගුවන් යානා වැඩි වශයෙන් පිටත්වන බ්රහස්පතින්දා, සිකුරාදා සහ සෙනසුරාදා යන දිනවල රාත්රී කටුනායක ගුවන් තොටුපොළ පිටත්වීමේ පර්යන්තයේ ඇති වන තදබදය අවම කර ගුවන් මගීන් සහ ගුවන් තොටුපොළ භාවිත කරන්නන් වෙත කාර්යක්ෂම හා සුමට සේවාවක් සැපයීම සදහා මෙම තීරණය ගුවන් තොටුපොළ විසින් ගෙන තිබෙනවා.
wpDiscuz
