ගිනිගත්හේන නගරයේ සුපිරි වෙලදසැලක ඉදිරිපස විදුලි කිහිපයක් එක වරම කැඩි යාම සම්බන්ධයෙන් වහාම සොය බලන ලෙස ජාතික ගොඩනැගිලි පර්යේෂණ ආයතනට අද (05) දින දැනුම් දුන් බව නුවරඑලිය දිස්ත්රික් ආපදා කලමණාකරණ ඒකකයේ සහකාර අධ්යක්ෂක රංජිත් අලහකොන් මහතා පැවසිය.
අද (05) දින උදැසන 10 ට පමණ වසා දමා තිබු එම සුපිරි වෙලදසැලේ ඉදිරිපස විදුරු කිහිපයක් එකවරම කැඩිගොස් ඇති බවත්, එම ගොඩනැගිල්ල සහිත ප්රදේශය මිට ප්රථම නායයාමේ අවධානමක් සහිත ස්ථානයක් බවට හදුනාගෙන තිබු බව අඹගමුව ප්රාදේශිය සභාවේ සභාපති ජයසංඛ පෙරේරා මහතා කියා සිටින්නේය.
සුපිරි වෙලදසැලේ ඉදිරිපස විදුරු එකවරම කැඩියාම සම්බන්ධයෙන් නුවරඑලිය දිස්ත්රික් ආපදා කලමණාකරණ ඒකකයේ සහකාර අධ්යක්ෂකවරයා සහ අඹගමුව ප්රාදේශිය සභාවේ සභාපතිවරයා අද (05) දින නිරික්ෂණය කරනු ලැබුහ.
එම නිරික්ෂණ චාරිකාවෙන් අනතුරුව මාධ්යයට අදහස් දැක් වු නුවරඑලිය අපදා කලමණාකරණ ඒකකයේ සහකාර අධ්යක්ෂක රංජිත් අලහකොන් මහතා කියා සිටියේ ඊයේ (04) දින නුවරඑලිය දිස්ත්රික්කයේ වටවල ප්රදේශයට මිලිමිටර් 121 වර්ෂාපතනයක් වාර්තා වු බවයි.
පවතින අධික වර්ෂාවත් සමග නායයාමේ අවධානමක් පැවතිය හොත් එම ස්ථාන වලින් වහාම ඉවත් වන ලෙසට සහකාර අධ්යක්ෂකවරයා නුවරඑලිය ජනතාවගෙන් ඉල්ලා සිටියි
