ගාසා තීරයේ කාන්තාවන් සහ දරුවන් ඝාතනය කිරීම නවත්වන ලෙස ප්රංශ ජනාධිපති එමානුවෙල් මැක්රොන් ඊශ්රායලයෙන් ඉල්ලා සිටිනවා.
විශේෂ සම්මුඛ සාකච්ඡාවකට එක් වෙමින් ඔහු මේ බව සඳහන් කළ අතර, එහිදී ප්රංශ ජනාධිපතිවරයා පවසා ඇත්තේ බෝම්බ ප්රහාරයන් කිසිදු සාධාරණීකරණත්වයක් නොමැති බවත්, සටන් විරාමයක් ඊශ්රායලයට වාසිදායක වනු ඇති බවයි.
තමන්ව ආරක්ෂා කර ගැනීමට ඊශ්රායලයට ඇති අයිතිය පිළිගන්නා අතරම, ගාසා තීරයට එල්ල කරන බෝම්බ ප්රහාරයන් නවත්වන ලෙස ද ඉල්ලා සිටිනවා.
එමෙන්ම හමාස් සංවිධානයේ ත්රස්තවාදී ක්රියාවන් ප්රංශය පැහැදිලි ලෙසම හෙළාදකින බවයි ඔහු වැඩිදුරටත් සඳහන් කර ඇත්තේ.
ඊශ්රායලය, එක්සත් ජනපදය, එක්සත් රාජධානිය සහ අනෙකුත් බටහිර ජාතීන් මෙන් ප්රංශය ද හමාස් ත්රස්තවාදී සංවිධානයක් ලෙස සලකන බවයි ප්රංශ ජනාධිපතිවරයා මෙහිදී පැවසුවේ.
“අද සිවිල් වැසියන්ට බෝම්බ ගහනවා, මේ ළදරුවන්, මේ කාන්තාවන්, මේ වයසක අය බෝම්බ ගහලා මරලා දානවා. ඒකට කිසිම හේතුවක් සහ නීත්යානුකූල භාවයක් නැහැ. ඒ නිසා අපි ඊශ්රායලයෙන් ඉල්ලා සිටිනවා මෙය නවත්වන්න කියලා.” යනුවෙන් එමානුවෙල් මැක්රොන් වැඩිදුරටත් අදහස් දක්වමින් සඳහන් කර සිටියා.
