පසුගිය 09 වන දා සිට මේ දක්වා ගෝල්ෆේස් ග්රීන් පිටිය සහ ජනාධිපති කාර්යාලය ඉදිරිපිට, රටේ පවතින අර්බුදකාරී තත්ත්වය හේතුවෙන්, ජනාධිපති ගෝඨාභය රාජපක්ෂ මහතා ඇතුළු රජයට විරුද්ධව විරෝධතාවයක් පැවැත්වෙනවා. මෙහිදී රාත්රී කාලයේදී ද කඳවරු ලමින් විරෝධතාවයේ නියැලෙන විරෝධතාකරුවන් සම්බන්ධයෙන් නොමග යවන සුළු ඡායාරූපයක් දක්වමින් සමාජ මාධ්ය සටහනක් සංසරණය වූවා.
මෙම ඡායාරූපවල සත්ය අසත්ය භාවය ගැන Fact Crescendo විසින් විමර්ශනයක් සිදුකර තිබෙනවා.
එහිදී හෙළිවී ඇත්තේ අදාල ඡායාරූපයේ දැක්වෙන අයුරින් උපත් පාලන කොපු මාර්ගයේ වැටී ඇති අයුරු දැක්වෙන ජායාරූප ඇතුලත් ෆේස්බුක් පිටුව හරහා පළ වූ සටහනේ දැක්වෙන ඡායාරූපය හැර ගෝල්ෆේස් ග්රීන්හි මේ වන විටත් සිදු වන විරෝධතා බිමෙහි ඡායාරූප අතර දක්නට නොලැබුණු බවයි. එමෙන්ම ප්රධාන මාධ්ය හරහා මෙම විරෝධතාවය පිළිබඳ වාර්තා කරණයේදී හෝ මෙවන් ඡායාරූපයක් දක්නට නොලැබුණු බවයි Fact Crescendo සඳහන් කර සිටින්නේ.
ඒ අනුව Fact Crescendo විසින් එම ඡායාරූපය Reverse Image සෙවුමක් සඳහා යොමු කරනු ලැබු අතර එහිදී දැක්වෙන්නේ, 2021 වසරේ සැප්තැම්බර් මසදී ඉන්දියාවේ කර්නාටක ප්රාන්තයේ Tumkurහි ජාතික මහාමාර්ගය පුරා කිලෝමීටර් ගණනක් උපත් පාලන කොපු වැටී ඇති අයුරුයි.
