දුම්රිය සේවකයින්ගේ සහ මහජනතාවගේ ආරක්ෂාව තහවුරු වන අන්දමින් දුම්රිය මාර්ග ව්යාපෘති කඩිනම් කරන ලෙස ජනාධිපති අනුර කුමාර දිසානායක මහතා බලධාරින්ට දැනුම්දී තිබෙනවා.
ජනාධිපති මාධ්ය අංශය පැවසුවේ; ප්රවාහන, මහාමාර්ග, වරාය හා සිවිල් ගුවන් සේවා අමාත්යාංශයේ අද (16) පැවති ප්රගති සමාලෝචන රැස්වීමේ දී ජනාධිපතිවරයා මෙම උපදෙස් දුන්නා.
මාර්ග සංවර්ධන ව්යාපෘති විධිමත් සහ කාර්යක්ෂම කිරීම ග්රාමීය ආර්ථික සංවර්ධන ඉලක්ක සපුරා ගැනීමට ඉවහල් වන බවයි ජනාධිපතිවරයා මෙහිදී පෙන්වා දුන්නේ.
ග්රාමීය මාර්ග සංවර්ධන ව්යාපෘති ක්රියාත්මක කිරීමේ දී ප්රසම්පාදන ක්රියාවලිය විධිමත් විය යුතු බවත්, කිහිප දෙනෙකු අතට කොන්ත්රාත් ලැබෙනවා වෙනුවට එහි ප්රතිලාභ ප්රාදේශීය සහ ග්රාමීය ජනතාවට ලැබෙන අයුරින් එම ව්යාපෘති සැලසුම් කිරීමේ වැදගත්කම ද ජනාධිපතිවරයාගේ අවධානයට ලක් වුණා.
ප්රවාහන, මහාමාර්ග, වරාය හා සිවිල් ගුවන් සේවා අමාත්යංශය යටතේ ක්රියාත්මක වන ව්යාපෘති පිළිබඳව මෙහිදී දීර්ඝ ලෙස සමාලෝචනයට ලක් කෙරුණු අතර මධ්යම අධිවේගී මාර්ගයේ කඩවත – මීරිගම කොටසේ ඉදිකිරීම් සම්බන්ධව ද විශේෂ අවධානයක් යොමු වූ බවයි වාර්තා වන්නේ.
වරාය, ගුවන්තොටුපොළ, මහාමාර්ග සංවර්ධන කිරීම ශ්රී ලංකාවේ ආර්ථික වර්ධනය කිරීමෙහි ලා ඉතා වැදගත් බව මෙහිදී පෙන්වා දුන් ජනාධිපතිවරයා එම ව්යාපෘති විධිමත්ව සැලසුම් කිරීමෙන් ජාතික ආර්ථිකය නඟා සිටු විය හැකි බව ද ප්රකාශ කළා.
දැනට ආරම්භ කර ඇති මාර්ග සංවර්ධන ව්යාපෘති ක්රියාත්මක කිරීමේ දී පාරිසරික බලපෑම්, මූල්යමය බලපෑම්, ප්රජාවට සිදුවන බලපෑම් ද සැලකිල්ලට ගෙන අහිතකර බලපැම් අවම කර ගනිමින් කඩිනමින් ඒවා ක්රියාත්මක කිරීමට ද මෙහිදී අවධානය යොමු වුණා.
දුම්රිය මාර්ග සම්බන්ධ ව්යාපෘති දුම්රිය සේවකයින්ගේ සහ මහජනතාවගේ ආරක්ෂාව තහවුරු වන අන්දමින් කඩිනමින් ක්රියාත්මක කරන ලෙස ද ජනාධිපතිවරයා නිලධාරීන්ට උපදෙස් දුන්නා.
