රජයේ ගිණුම් පිළිබඳ කාරක සභාවේ (කෝපා) අභිනව සභාපති ලෙස පාර්ලිමේන්තු මන්ත්රී කබීර් හෂීම් තේරී පත්වී තිබෙනවා.
දසවැනි පාර්ලිමේන්තුවේ පළමු සභාවාරය සඳහා රජයේ ගිණුම් පිළිබඳ කාරක සභාවේ සභාපති ලෙස කටයුතු කළ පාර්ලිමේන්තු මන්ත්රී අරවින්ද සෙනරත් ගිය මස 06 වැනිදා ඉල්ලා අස්වීමෙන් ඇති වූ පුරප්පාඩු පිරවීමට එම කාරක සභාව අද (12) පාර්ලිමේන්තුවේදී රැස්වූ අවස්ථාවේදී කබීර් හෂීම් සභාපති ධුරය සඳහා පත් වුණා.
සභාපතිධුරය සඳහා කබීර් හෂීම්ගේ නම පාර්ලිමේන්තු මන්ත්රීවරුන් වන ජේ.සී. අලවතුවල සහ රෝහිත අබේගුණවර්ධන යන මහත්වරු විසින් පිළිවෙලින් යෝජනා කර ස්ථිර කරන තිබෙනවා.
අනතුරුව කාරක සභාව අමතමින් අභිනව සභාපතිවරයා පවසා සිටියේ දේශපාලන මතවාදවලින් තොරව මධ්යස්ථව කටයුතු කරමින්, සියලු සාමාජිකයින්ගේ සහයෝගයෙන් සිය ධුරයේ කටයුතු කිරීමට අපේක්ෂා කරන බවයි.
එමෙන්ම කාරක සභාවේ හිටපු සභාපති අරවින්ද සෙනරත් සිදුකළ කාර්ය භාරය විශේෂයෙන් අගය කළ අතර ඔහු කළ කාර්ය භාරය ඉදිරියටත් වඩාත් හොඳින් සිදු කිරීමට අපේක්ෂා කරන බවද අභිනව සභාපතිවරයා ප්රකාශ කළා.
තවද නව සැළසුම් සකස් කොට කෝපා කමිටුවේ කාර්ය භාරය තදුරටත් විධිමත් කරමින් පවත්වාගෙන යාමට අවශ්ය ක්රියාමාර්ග ගැනීමටද සුදානමින් පසුවන බව අභිනව සභාපතිවරයා වැඩි දුරටත් අදහස් දක්වමින් පවස සිටියා.
