රුපියල් පන්කෝටි හැත්තෑ ලක්ෂයක් වටිනා කුෂ් මත්ද්රව්ය තොගයක් තම ගමන් මල්ලේ සඟවා ගෙන කටුනායක ගුවන් තොටුපොළේ හරිත මාවත ඔස්සේ ගුවන් තොටුපොළෙන් පිටවීමට උත්සාහ කාලා විදෙස් කාන්තාවක් ඊයේ (16) රාත්රියේ රේගු මත්ද්රව්ය පාළන අංශයේ නිලධාරීන් විසින් අත් අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ 23 හැවිරිදි ඩෙන්මාර්ක් ජාතික තරුණියක්.
මෙම විදෙස් කාන්තාව කුෂ් මත්ද්රව්ය තොගය තායිලන්තයේ බැංකොක් නුවරින් රැගෙන ඉන්දියාවේ චෙන්නායි නුවර වෙත පැමිණ ඉන්පසු ඇය ඊයේ රාත්රියේ මෙරටට පැමිණ ඇති බවයි අනාවරණය වී ඇත්තේ.
ඉන්ඩිගෝ ගුවන් සේවයේ 6.ඊ.- 1073 දරණ ගුවන් යානයෙන් ඊයේ (16) රාත්රී 07.05ට පමණ ඇය මෙරටට පැමිණ ඇති බවයි වාර්තා වුණේ.
ඇය විසින් රැගෙන විත් තිබූ ගමන් මල්ලක් තුළ ස්නැක් (Snak) අඩංගු , වායු ඇතුළට කාන්දු නොවන පැකට් 25ක් තුළ මෙම කුෂ් මත්ද්රව්ය කිලෝග්රෑම් 05යි ග්රෑම් 700ක ප්රමාණයක් සඟවා තිබිය දී සොයාගෙන තිබෙනවා.
අත්අඩංගුවට ගැනුණු විදේශීය තරුණිය සහ ඇය රැගෙන ආ මත්ද්රව්ය තොගය කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාරදීමටයි කටයුතු කර ඇත්තේ.
