රුපියල් එක් කෝටි හැත්තෑ ලක්ෂයක් වටිනා “කේරළ ගංජා” තොගයක් ලොරි රථයක් මගින් ප්රවාහනය කරමින් සිටියදී, එම ලොරි රථය සහ එහි රියැදුරුවරයා, අද (21) දහවල් මීගමුව සුරාබදු ස්ථානයේ නිලධාරීන් පිරිසක් විසින් අත්අඩංගුවට ගෙන තිබෙනවා.
ඉන්දියාවේ සිට ධීවර බෝට්ටුවක් මගින් මීගමුව වෙරළ තීරයට ගෙන ආ මෙම ” කේරළ ගංජා ” තොගය , කුඩා ලොරි රථයක් මගින් කුරුණෑගල ප්රදේශය බලා ප්රවාහනය කරමින් සිටියදී, ලද බුද්ධි තොරතුරක් මත, මීගමුව, මහහුනුපිටිය ප්රදේශයේ දී මෙම අත්අඩංගුවට ගැනීම සිදුකර තිබෙනවා.
කිලෝ ග්රෑම් 85 ක් බරැති මෙම “කේරළ ගංජා” තොගය, පැකැට් 40 ක් තුළ අසුරා, ඒවා තවත් ගෝනි 02 ක් තුළ ද අසුරා සගවා ගෙන ප්රවාහනය කර ඇති බවයි මීගමුව සුරාබදු ස්ථානයේ නිලධාරීන් සඳහන් කළේ.
මෙම ලොරි රථය තුළ රියැදුරුවරයා පමණක් සිටි අතර , ඔහු 30 හැවිරිදි වියේ පසුවන පොළොන්නරුව ප්රදේශයේ පදිංචිකරුවෙක්.
මේ පිළිබද වැඩිදුර විමර්ශන කටයුතු සදහා මෙම මත්ද්රව්ය තොගය සමග රියැදුරුවරයා 03/21 දින මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
