කොළඹ – බදුල්ල ප්‍රධාන මාර්ගයේ රථ වාහන ධාවනයේ දී අතිශය කල්පනකාරී ව සහ විමසිල්ලෙන්, ප්‍රවේසමෙන් රිය ධාවනය කරන ලෙසට දැනුම්දී තිබෙනවා.
දසත ප්‍රාදේශීය වාර්තාකරු පැවසුවේ; පවතින අයහපත් කාලගුණික තත්ත්වය හේතුවෙන් දැඩි වර්ෂාවක් ඇදහැලෙන බැවින් එම මාර්ගය බෙහෙවින් ලිස්සන සුළු බවයි.
විශේෂයෙන් ම බලංගොඩ – බෙලිහුල් ඔය සහ ඕපනායක අතර කොටස දැඩි අවදානමක් පවතින බවට ද බලංගොඩ පොලිසිය නිවේදනය කරනවා.
රිය අනතුරු අවම කර ගැනීමට වේගය පාලනය කරමින් රිය පදවන ලෙසත්; ඝන මීදුම් සහිත කාලගුණයක් ද වර්ෂාව සමග පවතින බවත් වාර්තා වනවා.
එබැවින් වාහනවල විදුලි ලාම්පු එළි දල්වා ගෙන ධාවනය කිරීම අනිවාර්‍යය කර තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
