ධාවනය වෙමින් තිබු පොලිස් යතුරුපැදියක් ඉදිරියෙන් බල්ලෙක් පාර හරහා පැනීම හේතුවෙන් එම පොලිස් යතුරුපැදිය අනතුරට ලක් වී විදුලි කණුවක ගැටීමෙන් පොලිස් කොස්තාපල්වරයකු මියගොස් තවත් කොස්තාපල්වරයකු බරපතල තුවාල ලබා ඇති බව පානාමුර පොලිසිය කියයි.
මෙලෙස මියගොස් ඇත්තේ පානමුර පොලිසියේ දුෂණ මර්දන අංශයට අනුයුක්තව රාජකාරි කරමින් සිටි (71332) ශාන්ත නමැති 36 හැවිරිදි කොස්තාපල්වරයා බව පොලිසිය පවසයි.
පොලිස් කණ්ඩායමක් ඊයේ (22) අලුයම මත්ද්රව්ය වැටලීමකට ගොස් නැවත පොලිස් ස්ථානය වෙත එන අතරේ ඇඹිලිපිටිය මාර්ගයේ පානමුර ප්රදේශයේ අලුයම මෙම අනතුර සිදුව ඇති බව පොලිසිය පවසයි.
බරපතල තුවාල ලැබූ කොස්තාපල්වරයා අසාධ්ය තත්ත්වයෙන් තවදුරටත් ඇඹිලිපිටිය රෝහලේ ප්රතිකාර ලබමින් පසුවේ.