කොස්තාපල් නෝනාගේ උකුළේ වාඩි වූ කොස්තාපල් මහත්තයාගේ වැඩ තහනම්

කාන්තා පොලිස් කොස්තාපල්වරියකගේ උකුළ මත වාඩි වූ පොලිස් කොස්තාපල්වරයාගේ වැඩ තහනම් කිරීමට පොලීසිය පියවර ගෙන තිබෙනවා.

මෙලෙස වැඩ තහනමට ලක්ව ඇත්තේ මකුලුගස්වැව පොලිස් ස්ථානයට විශේෂ රාජකාරී සඳහා යොදවා සිටි පොලිස් කොස්තාපල්වරයෙක්.

පෙරේදා (15) දඹුල්ල ගම්උදාව ක්‍රීඩාංගණයේ පැවැති සංගීත ප්‍රසංගයක ආරක්ෂක රාජකාරි සඳහා අදාළ පොලිස් කොස්තාපල්වරයා මකුලුගස්වැව පොලිස් ස්ථානය වෙත පැමිණ තිබුණා.

එලෙස පැමිණි කොස්තාපල්වරයා පොලිස් ස්ථානයේ පුටුවක වාඩි වී සිටි කාන්තා පොලිස් කොස්තාපල්වරියකගේ උකුළේ වාඩි වී ඇති බවයි වාර්තා වුණේ.

පසුව මෙම සිද්ධිය සම්බන්ධයෙන් අදාළ පොලිස් කොස්තාපල්වරිය ස්ථානාධිපතිවරයා මාර්ගයෙන් ප්‍රදේශය භාර සහකාර පොලිස් අධිකාරිවරයා වෙත පැමිණිලි කර තිබෙනවා.

ඒ, අනුව මෙම සිදුවීම සම්බන්ධයෙන් සිදුකළ විමර්ශනයේදී අනාවරණය වී ඇත්තේ සැකකාර පොලිස් කොස්තාපල්වරයා එම අවස්ථාවේ දී බීමතින් සිට ඇති බවයි.

ඒ අනුව සහකාර පොලිස් අධිකාරිවරයා විසින් අදාළ පොලිස් කොස්තාපල්වරයාගේ වැඩ තහනම් කිරීමට පියවර ගෙන ඇත්තේ.