ප්රතිසංස්කරණය කිරීමන් අනතුරුව පෙරේදා (08) දිනයේ විවෘත කළ කොළඹ කොටුව මධ්යම බස් නැවතුම්පොළ පිරිසිදුව පවත්වා ගැනීමට සහ පොදු දේපළ ආරක්ෂා කිරීමට කටයුතු කරන ලෙසත් ශ්රී ලංකා ගමනාගමන මණ්ඩලය මහජනතාවගෙන් ඉල්ලා සිටිනවා.
දැඩි වෙහෙසකින් සහ විශාල පිරිවැයක් දරමින් නවීකරණය කළ මෙම බස් නැවතුම්පොළ විවෘත කර ඇත්තේ මහජනතාවට වඩා හොඳ ගමන් අත්දැකීමක් ලබාදීමේ අරමුණින් බවයි නිවේදනයක් නිකුත් කරමින් ශ්රී ලංකා ගමනාගමන මණ්ඩලය සඳහන් කළේ.
ප්රතිසංස්කරණය කරන ලද පරිශ්රයේ වාර්තා වී ඇති ඇතැම් පුද්ගලයන් විසින් සිදුකරන අනිසි භාවිතය සහ කසළ බැහැර කිරීමේ සිදුවීම් පිළිබඳ ශ්රී ලංකා ගමනාගමන මණ්ඩලය කණස්සල්ල පළකර තිබෙනවා.
කසළ දැමීමට නම් කරන ලද බඳුන් භාවිතයෙන් වගකීමෙන් යුතුව අපද්රව්ය බැහැර කරන ලෙස සහ බස් නැවතුම්පොළ පරිශ්රය තුළ පිරිසිදුකම පවත්වා ගැනීමට සහාය වන ලෙසත් එම මණ්ඩලය මහජනතාවගෙන් ඉල්ලා සිටිනවා.
එමෙන්ම ආසන, බිත්ති සහ මහජන භාවිතය සඳහා සපයා ඇති අනෙකුත් පහසුකම්වලට හානි කිරීමෙන් වැළකී සිටින ලෙසත් මගීන්ට දැනුම් දෙනවා.
මෙය අනාගත පරම්පරාවන් සඳහා සංරක්ෂණය කළ යුතු ජාතික වත්කමක් බව මණ්ඩලය මහජනතාවට තවදුරටත් සිහිපත් කරන අතර, වගකීමෙන් කටයුතු කර එය ආරක්ෂා කිරීමට උපකාර කරන ලෙස ඉල්ලා සිටින්නේ.
