කොටහේන පොලිස් වසමේ 16 වන පටුමග ප්රදේශයේ දී පසුගිය 07 වනදා පස්වරුවේ පුද්ගලයෙකුට වෙඩි තබා ඝාතනය කිරීමේ සිද්ධියට තවත් සැකකරුවන් දෙදෙනෙකු හා සැකකාරියක් ඊයේ (10) දින අත්අඩංගුවට ගෙන තිබෙනවා.
අපරාධය සිදුකළ සැකකරුට නවාතැන් සැපයීම හා ප්රවාහන පහසුකම් ලබාදෙමින් ආධාර අනුබලදීම සම්බන්ධයෙන් මොවුන් තිදෙනා අත්අඩංගුවට ගෙන ඇති බවයි වාර්තා වන්නේ.
ග්රෑන්ඩ්පාස් සහ වැල්ලම්පිටිය ප්රදේශවල දී ත්රිරෝද රථයක් හා ජංගම දුරකථන දෙකක් ද සමඟ මොවුන් අත්අඩංගුවට ගත බවයි පොලිසිය සඳහන් කළේ.
ඒ, අනුව මෙම අපරාධය සම්බන්ධයෙන් අත්අඩංගුවට ගෙන ඇති සැකකරුවන් ගණන 05ක්.
මීට පෙර එනම් පසුගිය 09 වනදා, මෙම ඝාතනයට සම්බන්ධ වෙඩික්කරු සහ අපරාධයට ආධාර අනුබල දුන් තවත් සැකකරුවෙකු හා සැකකාරියක් යාපනය පොලිස් වසමේ ඒ 09 මාර්ගයේ චෙන්මනි හන්දිය ප්රදේශයේ දී මෝටර් රථයක් හා ජංගම දුරකථනයක් ද සමඟ අත්අඩංගුවට ගෙන තිබුණා.
ඒ, අනුව අත්අඩංගුවට ගෙන ඇති සැකකරුවන් අවුරුදු 18ත් 33 අතර වයස්වල පසුවන ග්රෑන්ඩ්පාස් සහ කොළඹ 13 ප්රදේශයේ පදිංචිකරුවන් වන අතර, සැකකාරියන් දෙදෙනා අවුරුදු 24 හා 26 වයස්වල පසුවන කොළඹ 13 හා වැල්ලම්පිටිය ප්රදේශවල පදිංචිකාරිනියන් බව සඳහන්.
කොළඹ දිසා අපරාධ කොට්ඨාසයඅපරාධය සම්බන්ධයෙන් වැඩිදුර විමර්ශන සිදුකරනු ලබනවා.
