පොළොන්නරුව, හම්බන්තොට, ඇල්ල වැනි විදේශීය සංචාරකයින් ගැවසෙන ස්ථානවල දෛනිකව කුලී පදනම මත ලබාදීමට තිබෙන යතුරුපැදි දෛනික කුලියට මිල දී ගෙන; එම යතුරුපැදි සඳහා ව්යාජ පොත් සකසා විකිණීමේ ජාවාරමක් හෙළි ව තිබෙනවා.
බස්නාහිර පළාත් බුද්ධි කොට්ඨාසයට ලද තොරතුරක් මත කොළඹ දකුණ කොට්ඨාස අපරාධ විමර්ශන ඒකකය මගින් සිදුකළ වැටලීමක දී ඊයේ (09) රාත්රියේ මෙම ජාවාරමට සම්බන්ධ සැකකරුවන් දෙදෙනෙකු අත්අඩංගුවට ගනු ලැබුවා.
ඔවුන් සන්තකයේ තිබී නොයෙකුත් ජාවාරම් සඳහා භාවිත කරන ව්යාජ ලෙස සකස් කළ හැඳුනුම්පත්, වාහනවල පොත් සහ ලියකියවිලි රැසක් හා එම ලියකියවිලි සකස් කිරීම සඳහා යොදා ගන්නා පරිගණක උපාංග සහ මුද්රිත උපාංග රැසක් අත්අඩංගුවට ගැනුණා.
ඒ අතර ජාවාරමින් ව්යාජ ලෙස දෛනික කුලී මත ලබා ගන්නා ලද යතුරුපැදි දෙකක් ද අත්අඩංගුවට ගනු ලැබුවා.
සැකකරුවන් දෙදෙනා වෙනත් අපරාධවලට සම්බන්ධතාවක් ඇත්ද යන්න පිළිබඳ ව වැඩිදුරටත් සොයා බැලීම සඳහා අද (10) දින කොළඹ අපරාධ කොට්ඨාසය වෙත යොමු කර ඇති අතර ඉදිරියේ දී අධිකරණ ක්රියාමාර්ගවලට යොමු කිරීමට නියමිතයි.
මෙම සැකකරුවන් පොළොන්නරුවේ පදිංචිකරුවන් බවත් අඹු – සැමියන් ලෙස දිවයිනේ විවිධ ප්රදේශවල මාසික කුලී පදනමට ලබා ගන්නා ස්ථානවල පදිංචි වෙමින් අදාළ ජාවාරම සිදු කරගෙන යන බවත් වාර්තා වනවා.
