කිරින්ද, අඳගලවැල්ල වෙරළ තීරයේ දී විෂ මත්ද්රව්ය කිලෝග්රෑම් 300කට අධික ප්රමාණයක් සමඟ අද (12) අලුයම සැකකරුවන් අටදෙනෙක් බස්නාහිර පළාත් උතුර අපරාධ කොට්ඨාසය විසින් අත්අඩංගුවට ගනු ලැබුවා.
තිස්සමහාරාම ප්රදේශයට මුහුදු මාර්ගයෙන් මත්ද්රව්ය තොගයක් රැගෙන එන බවට එම කොට්ඨාසයට ලැබුණු තොරතුරක් මත සිදුකළ විශේෂ මෙහෙයුමක දීයි මෙම මත්ද්රව්ය තොගය සහ සැකකරුවන් අත්අඩංගුවට ගැනීමට හැකිව ඇත්තේ.
ගැඹුරු මුහුදේ සිට බහුදින ධීවර යාත්රාවකින් රැගෙන ආ මත්ද්රව්ය තොගය කුඩා බෝට්ටුවකට මාරු කර ඒවා කිරින්ද, අඳගලවැල්ල වෙරළ දෙසට රැගෙන විත් තිබෙනවා.
මලු 19 බහා තිබූ එම මත්ද්රව්ය කඹයක් ආධාරයෙන් මුහුදේ පාවෙන සේ දමා ගොස් තිබූ අතර, ඒවා රැගෙන ඒමට පැමිණි සැකකරුවන් හත්දෙනෙකු වෙරළ තීරයේ දී පොලිස් අත්අඩංගුවට ගෙන තිබෙනවා.
අනතුරුව මෙම ජාවාරමට සම්බන්ධ තවත් සැකකරුවෙක් ද අත්අඩංගුවට ගැනීමට හැකිව ඇති අතර, ජාවාරමට යොදාගත් බව කියන රථවාහන හයක්ද පොලිස් භාරයට ගැනීමටයි කටයුතු කර ඇත්තේ.
මෙම මත්ද්රව්ය තොගය මේ වනවිට ඩුබායි හි සිටින මත්ද්රව්ය ජාවාරම්කරුවෙක් වන ඩුබායි රන් මල්ලී නැමැත්තාට අයත් බවටයි සැකපළ කරන්නේ.
අත්අඩංගුවට ගැනුණු සැකකරුවන් කිරින්ද, හික්කඩුව සහ කඩුවෙල යන ප්රදේශවල පදිංචිකරුවන් බවයි වාර්තා වන්නේ.
මත්ද්රව්ය තොගය සහ වාහන 06 කිරින්ද පොලිස් ස්ථානය වෙත මේ වනවිට ගෙනවිත් තිබෙනවා.
