විස්සයි විස්ස ලෝක කුසලාන තරගාවලියේ අවසන් මහා තරගය අද (13) මෙරට වේලාවෙන් පස්වරු 1.30ට ආරම්භ වීමට නියමිතව තිබෙනවා.
මෙවර අවසන් මහා තරගයට පාකිස්ථානය සහ එංගලන්තය සුදුසුකම් ලබා සිටින අතර, අද දිනයේ දී උද්වේගකර අවසන් තරගයක් දැකබලා ගැනීමට හැකිවනු ඇති බවයි ශ්‍රී ලංකා හිටපු සුපිරි ක්‍රීඩක ලසිත් මාලිංග පවසන්නේ.
අද තරග පැවැත්වෙන මෙල්බන් ක්‍රිකට් ක්‍රීඩාංගනය ලෝකයේ හොඳම ක්‍රිකට් ක්‍රීඩාංගණවලින් එකක් බව පවසන මාලිංග, පාකිස්ථානය සහ එංගලන්තය එකිනෙකාට නොදෙවනි දක්ෂතාවලින් සපිරි කණ්ඩායම් දෙකක් බවයි ප්‍රකාශ කර සිටියේ.
පාකිස්ථානයේ ප්‍රබල පන්දු බල ඇණිය සහ එංගලන්තයේ එකිනෙකාට එරෙහි දිගු සහ ප්‍රබල පිතිකරණ පෙළගැස්ම අද තරගයේ තීරණය කෙසේ විසඳේවි දැයි තමන් සිතමින් සිටින බව මාලිංග පවසනවා.
සිය මුහුණු පොතට සටහනක් එක්කරමින් ලසිත් මාලිංග මේ බව සඳහන් කර ඇති අතර, එහි ඔහු වැඩිදුරටත් දක්වා ඇත්තේ
කාලගුණ දෙවිවරු සාදය හරස් නොවනු ඇතැයි තමන් ප්‍රාර්ථනා කරන බවයි.
