අජිත් නිවාඩ් කබ්රාල් මහ බැංකුවට යළි පත් කිරීම කාවුන්ට රෙදි අල්මාරියක් දුන්නා වගේ යැයි සමගි ජනබලවේගයේ කෑගල්ල දිස්ත්‍රික් මන්ත්‍රී කබීර් හෂීම් මහතා පාර්ලිමේන්තුවේ දී පැවසීය.
කාවා කියන්නේ අහුවෙන අහුවෙන රෙද්ද කන සතෙක් බව පෙන්වා දෙන මන්ත්‍රීවරයා ආණ්ඩු පක්ෂයේ මන්ත්‍රීවරුන් රෙදි නොඇඳ නිරුවතින් සිටින බව හොඳ බවයි සඳහන් කරන්නේ.
එසේත් නැතිනම් කබ්රාල් මහතා ආණ්ඩු පක්ෂයේ මන්ත්‍රීවරුන්ගේ රෙදි ටිකද විකුණාගෙන කන බවයි පෙන්වා දෙන්නේ.
මහ බැංකුවේ සේවය කළ දවුලුගල මහත්මිය ඇය දැරූ ධූරයෙන් ඉවත් ඉවත් කලේ කාවෝ ඇඳුම් පමණක් නොව පොත් පතුත් කන නිසා බව අවධාරණය කරන මන්ත්‍රීවරයා කබ්රාල් මහතාට එරෙහිව තියෙන පොත් පත් ටික තිබෙන්නේ ඇය ගාව නිසා බවයි අනාවරණය කරන්නේ.
ඒ පොත් පත් ටිකද දැන් කාවෝ කා ඇති බවත් මන්ත්‍රීවරයා සඳහන් කරනවා.
“මහ බැංකුව දේශපාලනීකරණයට ලක් කළ හැම රටකම ආර්ථික අර්බුද උත්සන්න වී තිබෙනවා.සිම්බාබ්බේ උදාහරණයක් හැටියට ගන්න.ඒ වගේ ප්‍රශ්න අප රටට නොවෙන්නැයි දෙයියන්ගෙන් ඉල්ලා සිටිය යුතුයි.
මෙි රටත් යන්නේ ඒ පාරේ ම නොවේ දැයි මොහොතකට සිතා බලන්න.දිගින් දිගටම මුදල් අච්චු ගැසීම නිසා රුපියලේ අගය විදේශ වශයෙන් මෙන්ම දේශීය වශයෙන්ද මස්ත බාල්දු වී තිබෙනවා.
මේ ක්‍රියාදාමය හරහා බහුතරයක් හිඟමනට පත්කර ටික දෙනෙක් ධනවතුන් බවට පත්කරලා තිබෙනවා යනුවෙන්ද කබීර් හෂීම් මහතා සඳහන් කළේය.
