ශ්‍රී ලංකාවේ පවතින දැඩි ආර්ථික අර්බුදය පිළිබඳ සිතා රාජ්‍ය වියදම් පාලනය කිරීමට මුදල් අමාත්‍ය ජනාධිපති අලි සබ්‍රි කැබිනට් පත්‍රිකාවක් ඉදිරිපත් කර තිබෙනවා.
එසේම චක්‍රලේඛයන් මගින් එම උපදෙස් අදාල ආයතන වලට දැනුම් දී තිබෙන බවද වාර්ථා වනවා.ඒ අනුව ඉන්ධන , විදුලිය , ජලය , සන්නිවේදන දීමනා ආදිය ගෙවීම පාලනය මෙන්ම ගොඩනැගිලි ඉදිකිරීම් සහ කුලියට ගැනීම් නැවැත්වීම මෙන්ම දේශීය අරමුදල් හරහා සිදුකරන විදේශ අධ්‍යාපන චාරිකා ආදිය නැවැත්වීමට ද ගත් තීරණ මේ අතර වෙනවා.
රජයේ සියලුම අමාත්‍යංශ , රාජ්‍ය අමාත්‍යංශ , දෙපාර්තමේන්තු හා සියලුම ආයතන වෙත එම විධාන අනුගමනය කරන ලෙස නිළධාරීන්ට උපදෙස් දෙන ලෙස භාණ්ඩාගාරයේ ලේකම්වරයාට තමා දැනුම් දුන් බවද අමාත්‍යය වරයා පවසා සිටියා.
වැඩේ හොඳයි.හැබැයි මේක ආණ්ඩු පක්ෂයෙන්ම පටන් ගන්න ඕනේ. මැති ඇමතින්ගේ සුපිරි නිල රථයේ සිට නිල නිවාස, රජයෙන් සපයනු ලබන සියලුම පහසුකම් අත්හිටුවීමට පියවර ගත යුතුයි. නමුත් මෙයාලා මුලින්ම කරන්නේ රාජ්‍ය සේවයේ පොඩි මිනිහාගේ සොච්චම් අතිකාල මුදල කපාදාන එක. උන් ගන්න වැටුපෙන් ඉන්න වහලක් හදාගන්න ගත්තු ණය ගෙවනවා . ළමයින්ගේ අධ්‍යාපනය ,පාසල් වෑන් ගාස්තු අහස උසට. ඒකටයි උන් අතිකාල මුදලක් ගන්නේ.