මින් ඉදිරියට කිසිදු ලෙසකින් ඊශ්රායලයට ඇතුල් වීමට එක්සත් ජාතීන්ගේ සංවිධානයේ මහලේකම් අන්තෝනියෝ ගුටරෙස් හට අවස්ථාවක් නොමැති බවට ඊශ්රායලය නිවේදනය කර තිබෙනවා.
ඊශ්රායලයේ විදේශ සබඳතා අමාත්ය Israel Katz සිය නිල X ගිණුමෙහි සටහනක් තබමින් පැවසුවේ; ඊයේ (17) පස්වරුවේ ගාසා හි හමාස් නායක යාහ්යා සින්වාර් ඝාතනය කිරීමේ සිදුවීම එක්සත් ජාතීන්ගේ මහලේකම්වරයා විසින් තරයේ ප්රතික්ෂේප කරන ලද බවයි.
ගුටරෙස් තම රටට පසුගිය වසරේ ඔක්තෝබර් 07 වැනි දින එල්ල කළ මාරාන්තික ප්රහාරයෙන් පසුව හමාස් සංවිධානය ත්රස්ත සංවිධානයක් ලෙස ප්රකාශයට පත් කරන ලෙස කරන ලද ඉල්ලීම ද ගුටරෙස් ප්රතික්ෂේප කළ බවටයි ඊශ්රායලය චෝදනා කරන්නේ.
එවන් පසුබිමක හමාස් හි ප්රබල නායකයෙකු වන සින්වාර්ව මරා දැමීම අගය නොකරන ගුටරෙස්ගේ ක්රියා පිළිවෙත දැඩිව විවේචනය කර ඇති ඊශ්රායලය පෙන්වා දෙන්නේ අන්තෝනියෝ ගුටරෙස් යනු අන්තවාදී ඊශ්රායල විරෝධියකු මෙන් ම යුදෙව් විරෝධී න්යායය පත්රයකට හෙතෙම කටයුතු කරන බවයි.
එබැවින් මින් ඉදිරියට අන්තෝනියෝ ගුටරෙස් යනු ඊශ්රායලය විසින් අක්රීය පුද්ගලයෙකු ලෙස සලකන බව ද එරට විදේශ අමාත්යවරයා නිකුත් කළ පණිවිඩයේ වැඩිදුරටත් සඳහන්.
මේ අතර ගාසා හි හමාස් නායකයාගේ ඝාතනය සම්බන්ධයෙන් හිස්බුල්ලා සංවිධානය ප්රතිඥාවක් ලබා දී තිබෙනවා.
ඒ මෙම සිදුවීම ඉදිරියේ දී ඊශ්රායල – පලස්තීන යුද ගැටුම් තීව්ර කිරීමට ප්රමුඛතම හේතුවක් විය හැකි බවටයි.
