එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් ශ්රී ලංකාවේ නිල සංචාරයක නිතර වීමට නියමිත බව විදේශ කටයුතු, විදේශ රැකියා සහ සංචාරක අමාත්යාංශය සඳහන් කරනවා.
ඒ, අනුව මහ කොමසාරිස්වරයා ජුනි 23 වනදා සිට 26 වනදා දක්වා ශ්රී ලංකාවේ නිල සංචාරයක නිරත වනු ඇති.
එක්සත් ජාතීන්ගේ මානව හිමිකම් පිළිබඳ මහ කොමසාරිස්වරයෙක් ශ්රී ලංකාවේ සංචාරයක නිරත වන්නේ 2016 වසරේ පෙබරවාරි මාසයෙන් පසුයි.
සංචාරය අතරතුර මහ කොමසාරිස්වරයා ජනාධිපති අනුර කුමාර දිසානායක සහ අග්රාමාත්ය ආචාර්ය හරිනි අමරසූරිය ද හමුවීමට නියමිත බවයි විදේශ කටයුතු, විදේශ රැකියා සහ සංචාරක අමාත්යාංශය නිකුත් කළ නිවේදනයේ දැක්වෙන්නේ.
ඊට අමතරව ඔහු විදේශ කටයුතු විදේශ රැකියා සහ සංචාරක අමාත්යවරයා ඇතුළු කැබිනට් අමාත්යවරු කිහිපදෙනෙකු මෙන්ම පාර්ලිමේන්තු මන්ත්රීවරුන්, ජ්යෙෂ්ඨ රජයේ නිලධාරීන්, ආගමික නායකයින්, සිවිල් සමාජ නියෝජිතයින් සහ රාජ්ය තාන්ත්රික ප්රජාවේ සාමාජිකයින් කිහිපදෙනෙකු හමුවීමට නියමිතයි.
එමෙන්ම ශ්රී ලංකාවේ මානව හිමිකම් කොමිසම සමඟ රැස්වීමක් ද මහ කොමසාරිස්වරය විසින් පැවැත්වීමට නියමිත බව සඳහන්.
එක්සත් ජාතීන්ගේ මානව හිමිකම් පිළිබඳ මහ කොමසාරිස්වරයාගේ මෙම නිල සංචාරය අතරතුර දළඳා මාලිගාව වැඳපුදා ගැනීමටද නියමිත අතර, මල්වතු සහ අස්ගිරි පාර්ශ්වයන්හී මහනායක හිමිවරුන් හමුවීමට නියමිත බවත් යාපනය සහ ත්රිකුණාමලය වෙත සංචාරය කරමින් උතුරු සහ නැගෙනහිර පළාත්වල ආණ්ඩුකාරවරුන් හමුවීමට ද නියමිතව තිබෙනවා.
