එංගලන්තයට එරෙහිව බටහිර ඉන්දීය කොදෙව් කණ්ඩායම සහභාගී වන එක්දින තරගාවලිය සඳහා මුල් පෙළ පිතිකරුවකු වන ෂිම්රොන් හෙට්මයර්ව (Shimron Hetmyer) කැඳවා තිබෙනවා.
මෙම තරගාවලිය හෙට (31) ආරම්භ වන්නේ එක්දින තරග තුනකින් සමන්විතව ඇන්ටිගුවාහි දීයි.
නෝර්ත් සවුන්ඩ් ක්රීඩාංගණයේ දී දෙරට අතර පළමු එක්දින තරගය පැවැත්වෙන අතර ඒ සඳහායි හෙට්මයර්ව නැවත කැඳවා ඇත්තේ.
ශ්රී ලංකාව සමග පැවති එක්දින සහ පන්දුවාර 20 ක්රිකට් තරගාවලි ද්විත්වයෙන් ම පරාජය ලැබූ කොදෙව්වන් මේ වනවිට සිය මව්බිමට පැමිණ ඇති අතර ඇලික් අතනාසේ වෙනුවටයි හෙට්මයර්ව සංචිතයට එක් කර තිබෙන්නේ.
හෙට්මයර් අවසන් වරට එක්දින ක්රීඩා කළේ 2023 දෙසැම්බර් මාසයේදීයි.
ඒ එංගලන්තයට එරෙහිව එක්දින තරගාවලි ජයක් ලැබූ තරගාවලියේදීයි.
මෑතකදී CPL තරගාවලියේ ද ලකුණු ලාභීන්ගේ ලැයිස්තුවේ පස්වන ස්ථානයට හිමිකම් කියන හෙට්මයර් හට පෞද්ගලික හේතූන් මත ශ්රී ලංකා සංචාරය අහිමි වුණා.
ෂායි හෝප් කණ්ඩායමේ නායකයා ලෙස කටයුතු කරන අතර, ශ්රී ලංකා තරගාවලිය අවසානයේ සිය මංගල තරගයට ක්රීඩා කළ 17 හැවිරිදි පිතිකරු ජුවෙල් ඇන්ඩෘ ද සංචිතයට එංගලන්තයට එරෙහිව නම්කර තිබෙනවා.
