2025 වසරේ අධ්යයන පොදු සහතික පත්ර (උසස් පෙළ) විභාගයට අදාළ ප්රායෝගික පරීක්ෂණ පැවැත්වෙන දින පිළිබදව දැනුවත් කිරීම සඳහා ශ්රී ලංකා විභාග දෙපාර්තමේන්තුව විසින් නිවේදනයක් නිකුත් කර තිබෙනවා.
ඉංජිනේරු තාක්ෂණවේදය විෂයයේ ලිඛිත විභාගයට පෙනී සිටි අයදුම්කරුවන් සඳහා ප්රායෝගික පරීක්ෂණ 2026 මාර්තු 06 දින සිට 2026 මාර්තු 15 දින දක්වාත් විෂය අංක 52 – නර්තනය (දේශීය), විෂය අංක 53 – නර්තනය (භාරත), විෂය අංක 54 – සංගීතය (පෙරදිග) සහ විෂය අංක 55 – සංගීතය (කර්ණාටක) යන විෂයයන් සඳහා ප්රායෝගික පරීක්ෂණ 2026 මාර්තු 09 දින සිට 2026 මාර්තු 16 දින දක්වාත් දිවයින පුරා පැවැත්වීමට කටයුතු සලසා ඇති බවයි එම නිවේදනයේ සඳහන් වන්නේ.
එමෙන්ම, විෂය අංක 56 – සංගීතය (බටහිර), විෂය අංක 57 – නාට්ය හා රංග කලාව (සිංහල), විෂය අංක 58 – නාට්ය හා රංග කලාව (දෙමළ) සහ විෂය අංක 59 – නාට්ය හා රංග කලාව (ඉංග්රීසි) යන විෂයයන් සඳහාද ප්රායෝගික පරීක්ෂණ 2026 මාර්තු 09 දින සිට 2026 මාර්තු 16 දින දක්වා පැවැත්වෙන බවද විභාග දෙපාර්තමේන්තුව නිවේදනය කරනවා.
පාසල් අයදුම්කරුවන්ගේ ප්රවේශපත්ර අදාළ පාසල්වල විදුහල්පතිවරුන් වෙත යොමු කර ඇති අතර, පෞද්ගලික අයදුම්කරුවන්ගේ ප්රවේශපත්ර අයදුම්පතෙහි සඳහන් ලිපිනයට තැපැල් මඟින් යැවීමට කටයුතු කරන බවත් ප්රායෝගික පරීක්ෂණ ආරම්භ වීමට දින 07කට පෙර සිට දෙපාර්තමේන්තුවේ නිල වෙබ් අඩවිය වන https://onlineexams.gov.lk/onlineapps මඟින්ද ප්රවේශපත්ර බාගත කර ගැනීමට පහසුකම් සලසා ඇති බවත් නිවේදනයේ සඳහන්.
