එළඹෙන උත්සව සමය වෙනුවෙන් සහල් ආනයනය කිරීමට රජය තීරණය කර තිබෙනවා.
රජයේ ප්රවෘත්ති දෙපාර්තමේන්තුවේ අද (20) පැවති මාධ්ය සාකච්ඡාවකට එක්වෙමින් වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්ය වසන්ත සමරසිංහ මහතා පැවසුවේ; මෙට්රික් ටොන් 70,000ක ස්වර්ණ නාඩු සහල් මෙරටට ආනයනය කිරීමට තීරණය කර ඇති බවයි.
රට තුළ සහල් අතිරික්තයක් පැවතිය ද; වෙළෙඳපොළට ගිය විට සහල් නොමැති බවත්; නමුත් වාර්තා අනුව රට තුළ අවුරුද්දකට සහල් මෙට්රික් ටොන් 40,000ක අතිරික්තයක් ඇති බවත් අමාත්යවරයා ප්රකාශ කළා.
මෙය දරුණු ඛේදවාචකයක් හෙයින් මහ කන්නයේ වී වගා කර ඇති පසුබිමක වෙළෙඳපොලේ සහල් හිඟ වීම ගැටලුවක් බවයි අමාත්ය වසන්ත සමරසිංහ මහතා පැවසුවේ.
එබැවින් දෙසැම්බර් මස 15 වැනිදින වන විට රුපියල් 220ට ඇති සහල් මිල වැඩිවිය නොහැකි බවත්;
දෙසැම්බර් 15 වෙනකොට සහල් වෙළඳපොළට ලබාදීමට කටයුතු කරන බව ද අද පැවති මාධ්ය හමුවේ දී හෙතෙම වැඩිදුරටත් සඳහන් කළා.
එබැවින් සහල් යම් ප්රමාණයක් සීමාවකට යටත්ව ආනයනය කිරීමට තීරණය කළ බවයි අමාත්ය වසන්ත සමරසිංහ පැවසුවේ.
එමෙන්ම පාරිභෝගික අධිකාරියට ද වෙළෙඳසැල්වල සැඟවූ සහල් ඇති දැයි සොයා බැලීමට උපදෙස් ලබා දී ඇති බව ද හෙතෙම ප්රකාශ කළා.
