ඉරානයේ හමුදා ඉලක්ක කිහිපයක් වෙත ඊශ්‍රායලය විසින් ගුවන් ප්‍රහාරයක් එල්ල කර තිබෙනවා.
ඉකුත් ඔක්තෝබර් පළමු වනදා ඉරානය විසින් ඊශ්‍රායලයට එල්ල කළ ප්‍රහාරයට සහ මාස කිහිපයක සිට සිදුකරන අඛණ්ඩ ප්‍රහාරවලට ප්‍රතිචාර වශයෙන් අද (26) අලුයම් කාලයේ ඊශ්‍රායලය මෙම ප්‍රහාරය එල්ල කර ඇති බවයි වාර්තා වුණේ.
ඉරාන විප්ලවීය ආරක්ෂක බළකායට සමීප පුවත් ඒජන්සියක් පවසන්නේ ඉරාන අගනුවරට බටහිර සහ නිරිත දෙසින් පිහිටි හමුදා කඳවුරු කිහිපයක් ඊශ්‍රායල ප්‍රහාරයේ ඉලක්කය වී තිබූ බවයි.
මේ අතර ඊශ්‍රායල ගුවන් ප්‍රහාර සිරියාවේ මධ්‍යම සහ දකුණු ප්‍රදේශවල ඇතැම් හමුදා ස්ථාන ඉලක්ක කර ඇති බවයි සිරියානු රාජ්‍ය ප්‍රවෘත්ති ඒජන්සිය පවසන්නේ.
ඉරාන රාජ්‍ය මාධ්‍ය මේ වන විට මෙම ප්‍රහාරවලින් සැබෑ හානියක් සිදු වූ බව ප්‍රතික්ෂේප කරන අතර ඊශ්‍රායලයේ එම ප්‍රහාර අසාර්ථක වූ බවත් සඳහන් කරනවා.
ඔබේ ප්‍රතිචාරය කුමක්ද ?
+1
1
+1
+1
+1
+1
1
+1
+1
