වාලච්චේන පොලිස් බල ප්රදේශයේ සුදුකන්ද නිදහන්ගල විහාරස්ථාන භූමියේ ඊයේ රාත්රී 10:30 ට පමණ තරුණයන් පිරිසක් හා එම විහාරස්ථානයේ නාහිමි සමඟ ආරවුලක් ඇතිවී තිබෙනවා. එම ආරවුලක් දුරදිග යෑම හේතුවෙන් ස්වාමීන් වහන්සේ විසින් පිපිර වු අලි වෙඩිල්ලකින් එම ස්ථානයේදීම තරුණයකු මියගොස් ඇති බව අප වාර්තාකරු පවසනවා. විහාරාධිපතිගේ දෑත් බරපතළ තුවාල ලබා පොලොන්නරුව මහ රෝහලට ඇතුළත් කර ඇති බව වාලච්චේන පොලිසිය පවසනවා.
මෙම අලි වෙඩිල්ල පුපුරවා හැරීමෙන් මියගොස් ඇත්තේ වැලිකන්ද නාගස්තැන්න අංක 144 ලිපිනයේ පදිංචිව සිටි එස්.එච්. සිසිර කුමාර යන 27 වියැති අවිවාහක තරුණයෙකු බව පරීක්ෂණ සිදුකරන වාලච්චේන පොලිසිය සඳහන් කරනවා. මෙම සිද්ධියට සම්බන්ධ විහාරස්ථානයේ චීවරධාරියා අත්අඩංගුවට ගෙන පොලිස් ආරක්ෂාව යටතේ පොලොන්නරුව රෝහලේ ප්රතිකාර ලබන බව වාලච්චේන පොලිස් ස්ථානාධිපති ප්රධාන පොලිස් පරීක්ෂක ලසන්ත බණ්ඩාර මහතා අප කළ විමසීමකදී සඳහන් කළේය.
විහාරස්ථාන භූමියේ ප්රදේශයේ තරුණයන් හය දෙනකු සමඟ එම චීවරධාරියා සාදයක් පවත්වා ඇති බවට මූලික පරීක්ෂණ කටයුතු වලින් අනාවරණය වී ඇති බවත් ,එම අවස්ථාවේදී මියගිය තරුණයා සමග චීවරධාරියා බහින් බස් වීමක් සිදුව ඇති අතර එහිදී චීවරධාරියා ආවාස ගෙයින් අලි වෙඩිල්ලක් ගෙනැවිත් තරුණයා සමග පොර බදිමින් අලි වෙඩිල්ල පත්තු කරගෙන ඇති බව ද පරීක්ෂණ පවත්වන වාලච්චේන පොලිසිය සඳහන් කරයි.
මියගිය තරුණයාගේ පශ්චාත් මරණ පරීක්ෂණ කටයුතු අද (03) වාලච්චේන මහේස්ත්රාත්වරයා විසින් සිදු කිරීමට නියමිතයි.
ගොසිප් ලංකා නිව්ස් වාර්තාකරු – මනම්පිටිය නිමල් ජයරත්න
