IP ගෑස් ව්‍යාපෘතිය යටතේ නල මාර්ගය ඉදි නොකිරීම නිසා, සැප්තැම්බර් මාසයේදී පැරිස් බේරුම්කරණ උසාවියට යාම හැර වෙනත් විකල්පයක් නොමැති බව ඉරානය සිය අවසන් දැනුම්දීම පකිස්ථානයට දන්වා තිබෙනවා.
මෙම ව්‍යාපෘතිය සඳහා යෝජිත එක්සත් ජනපද සම්බාධක හේතුවෙන් 2014 වසරේ සිට මෙම ව්‍යාපෘතිය වසර 10ක් ප්‍රමාද වුණා.
ගෑස් විකුණුම් මිල දී ගැනීමේ ගිවිසුම ප්‍රංශ නීතිය යටතේ 2009 දී අත්සන් කරන ලද අතර පැරිස් පදනම් කරගත් බේරුම්කරණ අධිකරණය දෙරට අතර පැන නගින ආරවුල් තීරණය කිරීමේ ආයතනය වනවා.
ප්‍රංශ බේරුම්කරණ අධිකරණය එක්සත් ජනපද සම්බාධක පිළිගන්නේ නැහැ.
පකිස්ථානයේ අන්තර් රාජ්‍ය ගෑස් පද්ධති (ISGS) සහ ජාතික ඉරාන ගෑස් සමාගම (NIGC) 2019 සැප්තැම්බර් මාසයේදී කොන්ත්‍රාත්තුව සංශෝධනය කළේ ගෑස් නල මාර්ගය ඉදිරි කිරීමට 2024 මාර්තු මාසය දක්වා පාකිස්තානයට කාලය ලබා දීම සඳහායි.
ඒ අනුව 2024 සිට ඉරානයෙන් දිනකට ගෑස් ඝණ අඩි මිලියන 750ක් පාකිස්තානය ලබා ගත යුතු වනවා.
නමුත් එම කාල රාමුව සම්පූර්ණ කර ගැනීමට පාකිස්තානය අසමත් වීම හේතුවෙන් ඉරානය තවත් දින 180ක් ලබා දී තිබුණා.
ඒ අනුව සැප්තැම්බර් වන විටත් පාකිස්තානය නල මාර්ගය ඉදිකිරීමට අපොහොසත් වී තිබීම හේතුවෙන් මෙලෙස අවසන් දැනුම් දීම සිදුකර තිබෙනවා.
මෙම නල මාර්ගය ඉදි නොකරන්නේ නම් පාකිස්ථානය ඩොලර් බිලියන 18 ක දඩයක් ඉරානයට ගෙවිය යුතු වනවා.
