ඉන්දියාවේ කොල්කටා නගරයේ පිහිටි ප්‍රමුඛ පෙළේ පෞද්ගලික විශ්ව විද්‍යාලයක් පසුගිය දින කිහිපය තුළ මතභේදයකට පැටලී ඇති බව විදෙස් මධ්‍ය වාර්තා කරනවා.
ශාන්ත සේවියර් විශ්ව විද්‍යාලයේ සහකාර මහාචාර්යවරියක් සම්බන්ධයෙන් මෙම මතභේදය හටගෙන ඇති බවයි වාර්තා වුණේ.
31 හැවිරිදි අදාල සහකාර මහාචාර්යවරිය බිකිනියකින් සැරසී සිටින ඡායාරූපයක් සිය ඉන්ස්ටර්ග්‍රෑම් ගිණුමට එක්කළ සිද්ධියක් සම්බන්ධව මෙම තත්ත්වය හටගෙන තිබෙනවා.
අදාල ඡායාරූපය හේතුකොටගෙන එම විශ්ව විද්‍යාලයේ පාලනාධිකාරිය විසින් තමන්ට වහාම රැකියාවෙන් ඉවත්වන ලෙසට දැනුම් දුන් බවයි ඇය පවසන්නේ.
අදාල සහකාර මහාචාර්යවරිය විශ්ව විද්‍යාල නිලධාරීන්ට ලිංගික හිංසනයන් සම්බන්ධයෙන් ද චෝදනා එල්ලකර ඇති අතර, තමන්ට හිරිහැර කළ බවත් බැන වැදුණු බවත් සඳහන් කරමින් පොලිස් පැමිණිල්ලක් ද ගොනුකර ඇති බව සඳහන්.
ඇයට එහිදී අපහාස සිදුවූ බව පවසමින් ඉන්දීය රුපියල් මිලියන 990ක වන්දියක් ද ඉල්ලා ඇති බවයි වාර්තා වන්නේ.
කෙසේ වෙතත් අදාල සියලු චෝදනා එම පෞද්ගලික විශ්ව විද්‍යාලය විසින් ප්‍රතික්ෂේප කර ඇති බවයි විදෙස් මාධ්‍ය වැඩිදුරටත් වාර්තා කර තිබුණේ.
