ඉන්ධන නිකුත් කිරීමේ නව ක්‍රමවේදය යටතේ සියලුම ත්‍රිරෝද රථ මේ මස අවසන් වීමට පෙර ලියාපදිංචි කිරීම අනිවාර්ය බව බලශක්ති අමාත්‍ය කංචන විජේසේකර ට්විටර් පණිවුඩයක් නිකුත් කරමින් පවසනවා.
ඒ, අනුව ත්‍රිරෝද රථ අදාළ ප්‍රදේශයේ පොලිස් ස්ථානය වෙත ගොස් ලියාපදිංචි විය යුතු බවයි ඔහු එහි දක්වා ඇත්තේ.
අමාත්‍යවරයා එම පණිවුඩයේ වැඩිදුරටත් දක්වා ඇත්තේ ඔවුන්ට අගෝස්තු 01 වනදා සිට නිශ්චිත ඉන්ධන පිරවුම්හලකින් පමණක් ඉන්ධන නිකුත් කිරීමට පියවර ගන්නා බවයි.
මේ අතර එළඹෙන සිකුරාදා සිට වාහනයේ චැසි අංකයෙන් QR කේතය ලබාගත නොහැකි වූවන්ට වාහන ආදායම් බලපත්‍රයේ අංකය මත QR කේතය ලබා ගැනීමේ ක්‍රමවේදය ආරම්භ කරන බවයි අමාත්‍යවරයා පවසන්නේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
15
