ඊයේ (02) මධ්යම රාත්රියේ සිට ක්රියාත්මක වන පරිදි ඉන්ධන මිල ඉහළ දැමීමට රජය විසින් ගනු ලැබූ තීරණයත් සමඟ පාසල් ප්රවාහන ගාස්තු ද වැඩි කිරීමට සිදුවන බව සමස්ත ලංකා පාසල් ප්රවාහන වෘත්තිකයින්ගේ සංගමය පවසනවා.
එහි සභාපති එල්. මල් ශ්රී ද සිල්වා පැවසුවේ ප්රතිශතයක් ලෙස වැඩි නොකොට දෙමාපියන් සමඟ සාකච්ඡාකර යම් ප්රමාණයක් ගාස්තු වැඩි කිරීම සිදුකරන බවයි.
ඊයේ (02) මධ්යම රාත්රියේ සිට ඉන්ධන මිල සංශෝධනයට රජය කටයුතු කළ අතර ඒ අනුව ලංකා සුදු ඩීසල් ලීටරයක මිල රුපියල් 10කින් ඉහළ දමා ඇති අතර එහි නව මිල රුපියල් 392ක් ලෙස දැක්වෙනවා.
එමෙන්ම සුපිරි ඩීසල් ලීටරයක මිල රුපියල් 15කින් ඉහළ දැමීමට පියවර ගැනුණු අතර, එහි නව මිල වන්නේ රුපියල් 458ක්.
ඔක්ටේන් 95 වර්ගයේ පෙට්රල් ලීටරයක මිල රුපියල් 15කින් ඉහළ දමා ඇති අතර එහි නව මිල වන්නේ, රුපියල් 470ක් ලෙඅ දැක්වෙනවා.
එමෙන්ම ඔක්ටේන් 92 වර්ගයේ පෙට්රල් ලීටරයේ මිල රුපියල් 12කින් ඉහළ දැමූ අතර, එහි නව මිල රුපියල් 410ක්.
ලංකා භූමිතෙල් මිල රුපියල් 10කින් ඉහළ දැමීමට පියවර ගෙන ගැනුණු අතර, රුපියල් 265ක් ලෙස එහි නව මිල දැක්වෙනවා.
