නැගෙනහිර ලඩාක් දේශ සීමාවේ ඇති ව තිබෙන ගැටුම් නවතාලීමට ඉන්දු – චීන රාජ්යයන් සිය එකඟතාව පළ කර තිබෙනවා.
ඉන්දීය මාධ්ය වාර්තා කරන්නේ; ඉන්දීය තීරණයට චීනය ද සිය එකඟත්වය පළ කර ඇති බවයි.
මෙම එකඟතාව ඉන්දු – චීන දේශ සීමා හමුදා අතර සිදු ව ඇත්තේ අද (22) දිනයේදීයි.
චීන විදේශ අමාත්යාංශයේ ප්රකාශක Lin Jian මාධ්ය හමුවකදී පැවසුවේ, “මෑත කාලසීමාව තුළ චීනය සහ ඉන්දියාව චීන – ඉන්දියා දේශසීමා සම්බන්ධ ගැටළු සම්බන්ධයෙන් රාජ්ය තාන්ත්රික සහ මිලිටරි මාර්ග හරහා සමීප සන්නිවේදනයක යෙදී සිටින බවත්; දෙපාර්ශ්වයම එකඟත්වයට පත්වන යෝජනාවකට එකඟ වී ඇති බවයි.
අගමැති නරේන්ද්ර මෝදි සහ ජනාධිපති ෂී ජින්පින්ග් අතර රුසියාවේ කසාන් හි පැවති BRICS සමුළුවේදී ද මෙම අර්බුදය සම්බන්ධයෙන් සාකච්ඡා කෙරුණා.
චීනය සමඟ ආරක්ෂක ගිවිසුමකට ඉන්දියාව එළඹී ඇති බවත්, හමුදා දෙක අතර වසර 04ක් පුරා පැවති මිලිටරි ගැටුම අවසන් කිරීමේ ප්රධාන ඉදිරි ගමනක් ලෙසින් එම ගිවිසුම හැඳින්විය හැකි බවත් ඉන්දියාව පවසනවා.
