ශ්රී ලංකාවේ ඉන්දීය මහ කොමසාරිස් සන්තෝෂ් ජා සහ පාර්ලිමේන්තුවේදී කතානායක ආචාර්ය අසෝක රන්වල අතර හමුවක් පසුගිය දා සිදු වුණා.
මෙම හමුවේදී අභිනව කතානායකවරයා වෙත සුබ පැතුම් එක්කළ ඉන්දීය මහ කොමසාරිස්වරයා, ශ්රී ලංකාව සහ ඉන්දියාව අතර පවතින දිගුකාලීන සබඳතාවය පිළිබඳව සිහිපත් කළා.
එමෙන්ම දෙරටේ පාර්ලිමේන්තු අතර සබඳතා ශක්තිමත් කිරීමටත්, පාර්ලිමේන්තු මන්ත්රීවරුන් සහ පාර්ලිමේන්තු කාර්ය මණ්ඩලය සඳහා හුවමාරු වැඩසටහන් කිරීමටත් බලාපොරොත්තු වන බව ඉන්දීය මහ කොමසාරිස්වරයා වැඩිදුරටත් අදහස් දක්වමින් පැවසුවා.
මෙහිදී අදහස් දැක් වූ කතානායකවරයා, ශ්රී ලංකාව සහ ඉන්දියාව අතර පවතින සබඳතා තවදුරටත් ශක්තිමත්ව ඉදිරියට පවත්වාගෙන යාමට බලාපොරොත්තු වන බවත් දසවැනි පාර්ලිමේන්තුවේ ශ්රී ලංකා – ඉන්දීය පාර්ලිමේන්තු මිත්රත්ව සංගමය පිහිටුවීමට පියවර ගන්නා බවත් සඳහන් කළා.
දෙපාර්ශවය අතර පැවති මෙම සුහද සාකච්ඡාවේ දී, ආර්ථික හා වෙළඳ කටයුතු පිළිබඳව සහ තාක්ෂණික දැනුම හුවමාරු කර ගැනීම ආදී දෙරටට වැදගත්වන කරුණු රැසක් පිළිබඳව අවධානය යොමු වුණා.
